Vladimir Nabokov

Vladimir Nabokov, nado en San Petersburgo o 23 de abril de 1899 e finado en Montreux (Suíza) o 2 de xullo de 1977, foi un novelista, poeta e crítico estadounidense de orixe rusa. É considerado unha das principais figuras da literatura universal.

Vladimir Nabokov

(1973)
Nome orixinal	(ru) Владимир Владимирович Набоков
Biografía
Nacemento	23 de abril de 1899 San Petersburgo
Morte	2 de xullo de 1977 Montreux, Suíza
Causa da morte	Morte natural  (Doenza )
Lugar de sepultura	cemiterio de Clarens
Datos persoais
Residencia	Montreux (1961–1977) Ashland (pt) (1953–1953) Ithaca (1948–1959) Cambridge (1942–1948) Wellesley (1941–1942) Manhattan (1940–1941) Berlín (1922–1937) Livadiya (en) (1918–1918) San Petersburgo (1899–1917) Fréjus Antibes Cambridge Menton Praga París Cannes Chauncy Street (en)
País de nacionalidade	Estados Unidos de América (1945–) Imperio Ruso
Relixión	Agnosticismo
Educación	Trinity College - Literatura da Rússia (pt) , Ictioloxía, literatura francesa (pt) (–1922) Universidade de Cambridge
Actividade
Campo de traballo	Literatura, Literatura da Rússia (pt) , poesía, translation into English (en) , translation into Russian (en) , translation from English (en) , translation from Russian (en) e entomoloxía
Lugar de traballo	Cambridge París Berlín Montreux
Ocupación	profesor universitario (1941–1961), xornalista , crítico literario , novelista , escritor de ciencia ficción , xadrecista , compositor de xadrez , especialista en literatura , entomólogo , lepidopterólogo , autobiógrafo , escritor , poeta , guionista , zoólogo , dramaturgo , tradutor , estudoso da literatura
Período de actividade	1921 - 1977
Empregador	Universidade Cornell (1948–1959) Wellesley College (pt) (1941–1948) Universidade Harvard
Xénero artístico	novela, lepidopterista, e profesor
Movemento	Modernismo
Pseudónimo literario	Владимир Сирин
Lingua	Lingua francesa, lingua inglesa e lingua rusa
Nacionalidade deportiva	Estados Unidos de América
Deporte	xadrez
Obra
Obras destacables (1929) The Defense (pt) (1941) A Verdadeira Vida de Sebastian Knight (pt) (1947) Fala, Memória (pt) (década de 1950) Lolita (pt) (1961) Pale Fire (en)
Familia
Familia	House of Nabokov (en)
Cónxuxe	Véra Nabokov
Fillos	Dmitri Nabokov (pt)
Pais	Vladimir Dmitrievich Nabokov (pt)   e Yelena Rukavishnikova (en)
Irmáns	Sergey Nabokov (en) , Kirill Nabokov (en) e Yelena Nabokova (en)
Parentes	Serge Nabokov (en) (curmán entregue) Vladimír Petkevič (pt) (sobrinho-neto (pt) )
Cronoloxía
marzo de 1933-outubro de 1933	Queima de livros (pt)
Premios (1943)  Bolsa de estudos Guggenheim
Sinatura
Páxina web	vladimir-nabokov.org

Monumento a Vladimir Nabokov en Montreux.

Traxectoria

Nabokov naceu no seo dunha familia aristocrática. En 1919, a familia abandonou o país para escapar da Revolución Rusa. Tres anos máis tarde, Nabokov graduouse na Universidade de Cambridge coa máxima cualificación. Empezou a escribir para os diarios dos emigrantes rusos en Berlín (onde viviu de 1923 a 1937), baixo o pseudónimo de "Vladimir Sirin"). A súa novela sobre xadrez, Zashchita Luzhina (1930), consagrouno como un dos principais valores da xove xeración de escritores emigrados de Rusia. Durante os cinco anos seguintes escribiu catro novelas e un conto, entre as que destacan Desesperación e Convidado a unha decapitación. Do ano 1936 ao 1938 viviu en Francia, onde comezou a escribir en inglés. En 1940, trasladouse aos Estados Unidos e, cinco anos máis tarde, adoptou a nacionalidade estadounidense. Alí publicaría, en 1947, a súa primeira novela en inglés, Bend Sinister. Porén, a súa fama literaria foi discreta ata a publicación en París de Lolita (1955), obra que supuxo a súa consagración como escritor e que narra a intensa e obsesiva relación dun home maduro cunha adolescente, e que pode considerarse un estudo do amor e do desexo sexual. Xunto con esta obra, a que a seguiu, Pale Fire (1962), foi tamén moi eloxiada.

Éxito das súas obras

Durante a década de 1960 traducíronse a diversas linguas algunhas das súas primeiras novelas escritas en ruso, coma a obra Convidado a unha decapitación. En 1964 publicou, en edición crítica, a súa tradución ao inglés da novela de Alexander Pushkin, Eugene Onegin, en 4 volumes. Speak, Memory (1966) é un nostálxico relato da súa infancia na Rusia imperial e a súa vida posterior ata 1940; as memorias publicáronse orixinalmente en forma abreviada en 1951, baixo o título de Conclusive Evidence. Korol' Dama Valet, escrita en Berlín e publicada en ruso e alemán en 1928, é unha parodia dunha novela tradicional. En 1969 apareceu Ada or Ardor: A Family Chronicle, un exemplo claro da súa obra. En 1973 publicou dous libros: A Russian Beauty and Other Stories, e o ensaio Strong Opinions. En 1959 Nabokov estableceuse en Suíza, onde viviu recluído ata o 2 de xullo de 1977. O territorio exclusivo de Nabokov é a traxicomedia complexa, na que o tempo e o espazo condénsanse ou se expándense, e as metáforas e os símiles entremestúranse nun xogo incesante. Como dixera o propio autor: "Aínda que camiño sempre á beira da parodia, ten que haber, por outra parte, un abismo de seriedade".

Lápida de Elena Nabokova, nai de Vladimir

Obras

Novelas escritas en ruso:

• Mashen'ka (Машенька, 1926); Tradución en inglés: Mary (1970).
• Korol' Dama Valet (Король, дама, валет, 1928); Tradución en inglés: King, Queen, Knave (1968).
• Zashchita Luzhina (Защита Лужина, 1930); Tradución en inglés: The Luzhin Defense ou The Defense (1964) (tamén levada ao cinema: The Luzhin Defence, no 2001).
• Sogliadatai (Соглядатай, 1930); tradución ao inglés: The Eye (1965).
• Podvig (Подвиг, 1932); traduciónn ao inglés: Glory (1971).
• Kamera Obskura (Камера Обскура, 1932); Traducións ao inglés: Camera Obscura (1936), Laughter in the Dark (1938).
• Otchayanie (Отчаяние, 1936); Tradución ao inglés: Despair (1937, 1966).
• Priglasheniye na kazn (Приглашение на казнь, 1938); tradución ao inglés: Invitation to a Beheading (1959).
• Dar (Дар, 1938); Tradución ao inglés: The Gift (1963).
• Volshebnik (Волшебник, 1939, inédita); tradución ao inglés: The Enchanter (1985).

Novelas escritas en inglés:

• The Real Life of Sebastian Knight (1941)
• Bend Sinister (1947)
• Lolita (1955), traducida ao galego no 2008 por Xesús Fraga
• Pnin (1957)
• Pale Fire (1962)
• Ada or Ardor: A Family Chronicle (1969)
• Transparent Things (1972)
• Look at the Harlequins! (1974)
• The Original of Laura (sen terminar, 1977)

Teatro:

• Izobretenie Val'sa (1938); tradución ao inglés: The Waltz Invention: A Play in Three Acts (1966).
• The Man from the USSR and Other Plays (1984)