Villalón de Campos

Villalón de Campos é un concello español situado ao norte da provincia de Valladolid, en Castela e León, na denominada Terra de Campos e limítrofe coa provincia de Palencia.

Villalón de Campos

Localización
42°05′54″N 5°02′05″O
Estado	España
Comunidade autónoma	Castela e León
Provincia	provincia de Valladolid
Capital	Villalón de Campos
Contén a división administrativa	Villalón de Campos
Poboación
Poboación	1.526 (2023) (8,98 hab./km²)
Xeografía
Parte de	Mancomunidade "Zona Norte de Valladolid"
Superficie	169,93 km²
Altitude	843 m
Comparte fronteira con	Boadilla de Rioseco Herrín de Campos (pt)
Organización política
• Alcalde	Javier González Trapote
Identificador descritivo
Código postal	47600
Código INE	47214
Páxina web	villalondigital.com

Vista do concello e o Rollo

A súa poboación é de 1.890 habitantes (2011). Antigamente era moito maior, pero o proceso de decadencia rural en prol das cidades provocou o retroceso demográfico desta localidade. Os habitantes dedícanse principalmente ao sector primario (agricultura e gandería). A súa festa principal está dedicada á Virxe de Fuentes.

Como recensión histórica cabe destacar que foi sede durante os séculos XV e XVI dunha importante feira de compra-venda de gando, baixo o auspicio da familia Pimentel, condes de Benavente, e que tiña notable influencia a nivel comarcal.

A localidade está situada no Camiño de Santiago de Madrid.

Demografía

Evolución demográfica
1998	1999	2000	2001	2002	2003	2004	2005	2006	2007	2008	2009	2010
2.168	2.168	2.101	2.056	2.008	2.019	2.040	2.024	1.990	1.971	1.942	1.915	1.911

Monumentos

O Rollo Jurisdiccional que se sitúa nesta localidade é un dos máis destacados de España. Este pelouriño, foi feito no século XVI, é de estilo gótico e foi declarado Monumento Nacional.

A Igrexa de San Miguel é un templo dos máis relevantes no estilo do gótico mudéxar. Na primeira capela da súa nave do Evanxeo, sitúase o sepulcro do clérigo leonés don Diego González del Barco, de Juan de Juni. Tamén na nave da Epístola sitúase a Virxe co Neno que é atribuída a Alonso Berruguete.

Tamén na vila están a Igrexa de San Juan cun precioso retablo, a Igrexa de San Pedro cunha torre de cinco pisos e a Ermida da nosa Señora de Fuentes situada a tres quilómetros da localidade.

Goberno municipal

Partidos políticos no concello
Partido político	Concelleiros
Partido Socialista Obrero Español (PSOE)	4
Partido Popular (PP)	3
Partido Independiente de Villalón de Campos (PIVC)	2

Véxase tamén

Ligazóns externas

• Sitio web do concello (en castelán)
• Villalón Digital (en castelán)