Vicente Cucarella
Vicente Cucarella Borrás, nado en Barcelona o 12 de xuño de 1908 e finado na Coruña o 8 de outubro de 1983, foi un atleta e masaxista español. Fíxose célebre na Coruña, onde foi masaxista do Deportivo da Coruña durante máis de tres décadas, así como director técnico das diferentes seccións deportivas do club.
| Biografía | |
|---|---|
| Nacemento | 12 de xuño de 1908  Barcelona, España |
| Morte | 8 de outubro de 1983 (75 anos) A Coruña, España |
| Datos persoais | |
| País de nacionalidade | España |
| Actividade | |
| Ocupación | massagista (pt)  , Treinador de Força e condicionamento (pt) |
Traxectoria editar
Nacido en Barcelona pero criado dende pequeno en Valencia,[1] practicou deporte dende novo, destacando no atletismo e formando parte da sección de atletismo do Valencia CF. En 1926, xunto a dous compañeiros do Valencia, Luis Archelós e Manuel Lora, emprendeu unha volta a España a pé, partindo dende Valencia pola costa mediterránea ata Andalucía, continuando logo en dirección norte pola fronteira con Portugal ata Galicia, e de aí cara ao oeste polo litoral cantábrico ata chegar ao punto de partida.[2] Despois de chegar de volta a Valencia, continuaron ata Madrid, onde foron recibidos polo xeneral Primo de Rivera e o rei Afonso XIII.[3] Trala Guerra Civil foi mobilizado e destinado na Coruña.[1]
Coa creación en 1941 da sección de atletismo do Deportivo da Coruña, Cucarella foi nomeado preparador físico e primeiro director técnico das seccións deportivas do club que foron nacendo nos seguintes meses.[4][5] En 1942 conseguiu fichar para a sección de ciclismo a Julián Berrendero, que gañaría ese ano a Volta a España.[6] Tamén en 1942 a Federación Galega de Atletismo nomeouno preparador da selección galega de atletismo,[7] e no Deportivo converteuse en masaxista do equipo de fútbol, labor que realizou durante os seguintes 32 anos. A súa figura con chapeu e fumando puros fíxose célebre entre os afeccionados que asistían a Riazor, que coreaban o seu apelido durante os partidos.[8][9]
Faleceu na Coruña o 8 de outubro de 1983, despois de dous anos con graves problemas circulatorios, e foi soterrado no cemiterio de Feáns.[1]
Vida persoal editar
Casou con Carmen Mateo Capilla e tiveron un fillo, Braulio.[10]
Notas editar
- ↑ 1,0 1,1 1,2 "Ayer murió Cucarella". La Voz de Galicia (en castelán) (A Coruña ed.). 9 de outubro de 1983. p. 39.
- ↑ "La vuelta a España a pie". El Ideal Gallego (en castelán). 20 de agosto de 1926. p. 1. Consultado o 27 de abril de 2021.
- ↑ "50 aniversario da chegada do globe trotter Vicente Cucarella". Deportivo da Coruña. 22 de agosto de 1976. Consultado o 27 de abril de 2021.
- ↑ "Una sección atlética". El Ideal Gallego (en castelán). 28 de novembro de 1941. p. 4. Consultado o 27 de abril de 2021.
- ↑ "Un club polideportivo durante medio século (1942-1992)". Deportivo da Coruña. Consultado o 27 de abril de 2021.
- ↑ "Berrendero engrosa el equipo ciclista del R.C. Deportivo". El Ideal Gallego (en castelán). 21 de febreiro de 1942. p. 4. Consultado o 27 de abril de 2021.
- ↑ "Nombramiento del preparador del equipo de atletismo". El Ideal Gallego (en castelán). 3 de marzo de 1942. p. 5. Consultado o 27 de abril de 2021.
- ↑ "Cuando el Real Club Deportivo de La Coruña fue segundo en la clasificación por equipos de la vuelta ciclista a España DE 1942" (en castelán). 9 de setembro de 1942. Arquivado dende o orixinal o 28 de abril de 2021. Consultado o 27 de abril de 2021.
- ↑ "Vicente Cucarella". La Noche (en castelán). 11 de outubro de 1963. p. 5. Consultado o 27 de abril de 2021.
- ↑ "Nuevo practicante". La Voz de Galicia (en castelán). 14 de xuño de 1955. p. 2.