Veiga, A Bola
San Munio de Veiga é unha parroquia do concello da Bola na comarca da Terra de Celanova, na provincia de Ourense. Segundo o IGE en 2013 tiña 300 habitantes (136 mulleres e 1348 homes), distribuídos en 12 entidades de poboación, o que supón unha diminución en relación ao ano 1999 cando tiña 337 habitantes.
| Veiga | |
|---|---|
 Tímpano dunha porta da Igrexa de San Munio de Veiga. | |
| Concello | A Bola[1] |
| Provincia | Ourense |
| Coordenadas | 42°08′15″N 7°55′48″O / 42.137613888889, -7.9301138888889Coordenadas: 42°08′15″N 7°55′48″O / 42.137613888889, -7.9301138888889 |
| Poboación | 300 hab. (2013) |
| Entidades de poboación | 12[1] |
| [ editar datos en Wikidata ] | |
Patrimonio editar
O mosteiro de San Munio de Veiga[2] foi fundado no século IX por San Munio, que está enterrado na súa capela maior[3]. Dependeu das ordes militares de San Xoán de Xerusalén e de Santiago. O templo románico do mosteiro ten imaxinería románica e gótica e unha cruz de esmaltes do século XII. No muro que rodea o adro hai dous relevos dun antigo baldaquino con escenas da Anunciación.
Nun muro da casa reitoral foi atopada unha ara romana adicada a Xúpiter, que se conserva no interior da igrexa parroquial.
Galería de imaxes editar
-
Igrexa de San Munio de Veiga. -
Fachada oriental. -
Escenas da Anunciación nun dos muros do adro.
Notas editar
- ↑ 1,0 1,1 Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.
- ↑ Vázquez Castro, J. (2008). San Munio de Veiga. Arte, poder y decadencia en la Orden de Santiago. Ourense: Grupo Francisco de Moure. ISBN 9788493715106.
- ↑ Igrexa mosteiral de San Munio de Veiga na páxina web colaborativa Patrimonio Galego.
Lugares e parroquias editar
Lugares de Veiga editar
| Lugares da parroquia de Veiga no concello da Bola (Ourense) | |
|---|---|
|
Cacabelos | Campo de Veiga | Cerdal | Cirós | Folgoso | Moreiriñas | O Outeiro | Rairigo | San Fiz | A Seara | Tourille | Veiga |
Parroquias da Bola editar