Vandalismo
deterioración ou destrución deliberada dun obxecto ou estrutura
- O contido deste artigo refírese aos actos vandálicos en xeral; se o que quere é ver o vandalismo na Galipedia, véxase Wikipedia:Vandalismo.
O vandalismo é a desfiguración ou a destrución visible dunha estrutura ou dun símbolo contra a vontade do propietario ou das autoridades. Historicamente xustificouno o pintor Gustave Courbet como destrución dos monumentos que simbolizaban "guerra e conquista". Polo tanto, pódese facer como expresión do desprezo, da creatividade, ou de ambas. O vandalismo soamente ten sentido nunha cultura que recoñece a historia e a arqueoloxía. Como outros termos similares (bárbaro), o vándalo era orixinalmente un xentilicio étnico que se refería ó pobo vándalo que saqueou Roma en 455.
