Universidade de Colonia
Coordenadas: 50°55′41″N 6°55′43″L / 50.928055555556, 6.9286111111111
A Universidade de Colonia é unha universidade alemá en Colonia coa gama clásica das materias dunha universidade completa.
| Universidade de Colonia Universität zu Köln | |
|---|---|
 Edificio principal da Universidade de Colonia | |
| Datos xerais | |
| Localización |  Colonia, Alemaña |
| Fundación | 1388 (Universidade Vella) (Pechada entre 1798 e 1919) |
| Datos actuais | |
| Reitor | Axel Freimuth [1] |
| Alumnos | 50 792 (curso 2020-21) [2] |
| Orzamento | 831,8 millóns de € |
| Datos de contacto | |
| Páxina web | https://www.uni-koeln.de/ |
     | |
 | |
| [ editar datos en Wikidata ] | |
A "Antiga Universidade de Colonia" (Universidade Vella), fundada en 1388 co nome latino Universitas Studii Coloniensis, foi unha das universidades máis antigas de Europa. Porén, foi pechada en 1798 durante o período francés e só foi refundada en 1919 como a "Nova Universidade de Colonia".[3]
Despois da primeira guerra mundial e da perda da Kaiser-Wilhelms-Universität zu Straßburg (actual Universidade de Estrasburgo), a de Colonia debeu continuar coa tradición e "fortalecer a posición alemá no Rin".[3]
Con máis de 51 500 estudantes no semestre de inverno 2019-2020,[4] é a universidade de Alemaña con máis alunos. De 2012 a 2019 ocupou o status de "excelencia" como parte da terceira iniciativa de excelencia para o financiamento universitario.[5]
A Universidade conta con 8 182 empregados (profesorado e persoal de administración e servizos).[2]
Historia editar
1388–1798 editar
A Universidade de Colonia estableceuse en 1388, sendo a cuarta universidade do Sacro Imperio Romano Xermánico, despois da Universidade Carolina (1348), a Universidade de Viena (1365) e a Universidade de Heidelberg (1386).
O seu estatuto asinouno o papa Urbano VI, e a universidade comezou o seu labor educativo o 6 de xaneiro de 1389.
O 28 de abril de 1798 a universidade foi pechada polos franceses, que invadiran Colonia en 1794, e a converteron na Escola Central do Departamento do Roer, e a chamaron Université de Cologne.[6]
O peche de Universidade de Colonia debeuse a que os seus profesores, desexosos de preservar a independencia da universidade, negáronse a xurar obediencia á República Francesa.
Porén, o último reitor, Ferdinand Franz Wallraf, escondeuse e preservou o Gran Selo da Universidade, que segue a usarse no século XXI.
1919–actualidade editar
En 1919 o daquela goberno prusiano respaldou a decisión do concello da Cidade de Colonia de restablecer a universidade. O 19 de maio de 1919, o entón alcalde Konrad Adenauer asinou o estatuto da Universidade Moderna.[6]
Nese momento a universidade estaba composta pola Facultade de Comercio, Economía e Ciencias Sociais (sucesora dos Institutos de Comercio e de Administración Comunal e Social) e a Facultade de Medicina (sucesora da Academia de Medicina). En 1920 engadíronse a Facultade de Dereito e a de Artes, das que máis tarde se segregaría a Escola de Matemáticas e Ciencias Naturais en 1955 para crear facultades propias. En 1980, os dous departamentos de Colonia da Escola de Educación de Renania aderíronse á universidade como as Facultades de Educación e de Educación Especial.
A Universidade destaca nos ámbitos da economía, do dereito e do comercio.
Notas editar
- ↑ Universität zu Köln. Rektor
- ↑ 2,0 2,1 Universität zu Köln. Universitätsverwaltung Hochschulentwicklung und Akademische Angelegenheiten.
- ↑ 3,0 3,1 Erich Meuthen (1998): Kleine Kölner Universitätsgeschichte. Colonia: Univ. Presse und Informationsstelle, p. 31.
- ↑ Bildung und Kultur. Studierende an Hochschulen.
- ↑ Bonn darf sich «Exzellenzuni» nennen: Köln verliert Titel.
- ↑ 6,0 6,1 Cristina Fraenkel-Haeberle (2014): Die Universität im Mehrebenensystem. Tübingen: Mohr Siebeck. ISBN 3-1615-2578-7.
Véxase tamén editar
| Wikimedia Commons ten máis contidos multimedia na categoría: Universidade de Colonia |