Tupac Shakur
Lesane Parish Crooks, máis coñecido polo pseudónimo de Tupac Amaru Shakur e tamén coñecido polos nomes artísticos de 2Pac (ou simplemente Pac) e Makaveli, nado en Manhattan o 16 de xuño de 1971 e finado o 13 de setembro de 1996 en Las Vegas, foi un rapeiro estadounidense.
Traxectoria editar
Fillo da activista dos Panteras Negras, Afeni Shakur, recibiu o seu nome en homenaxe ó líder indíxena Túpac Amaru II. Shakur publicou en vida 5 álbums e outros moitos apareceron tras a súa morte, a maior parte das súas cancións tratan da vida violenta e dura nos guetos, o racismo, as desigualdades sociais e as rivalidades con outros rapeiros. Comezou a súa carreira como bailarín para o grupo de hip hop alternativo Digital Underground e pertenceu ós grupos Outlawz, Emcees, Two From The Crew, Strictly Dope e Thug Life. Morreu en 1996 tras pasar sete días en coma ó ser tiroteado na cidade das Vegas, nun crime que non se resolveu. Segundo o Libro Guinness dos Récords é o rapeiro que máis discos vendeu no mundo, con 50 millóns nos Estados Unidos e 80 millóns no resto do mundo, o seu éxito contribuíu á expansión mundial do rap nos anos 90 e o seu carisma, a súa fantasía, o seu léxico coidado e a súa morte prematura convertérono nunha das grandes iconas do xénero.
Discografía editar
- 1991: 2Pacalypse Now
- 1993: Strictly 4 My N.I.G.G.A.Z.
- 1995: Me Against the World
- 1996: All Eyez on Me
- 1996: The Don Killuminati: The 7 Day Theory