Tour de Francia 2003
O Tour de Francia 2003 foi a 90ª edición da carreira ciclista máis importante do mundo. O seu percorrido comezou o 5 de xullo e rematou o 27 de xullo na mesma cidade de París.
| ||
| Tipo | Tour de Francia  | |
|---|---|---|
| Deporte | ciclismo en ruta | |
| Distancia do evento | 3.426 km | |
| Lugar de saída | París | |
| Liña de meta | París | |
| Número de participantes | 198, inicio 147, final | |
| Participantes | ||
US Postal 2003 (en)  , 2003 ONCE-Eroski (en) , Q14459639 , iBanesto.com 2003 (en) , Rabobank 2003, Saeco 2003 (en) , 2003 Cofidis (en) , CSC 2003, Fassa Bortolo 2003 (en) , Fdjeux.com 2003, Kelme, Q1977924 , Q1908554 , Team Bianchi 2003 (en) , Lotto-Domo 2003, Ag2r Prévoyance 2003 (en) , Vini Caldirola-Saunier Duval 2003 (en) , 2003 Euskaltel-Euskadi season (en) , Brioches La Boulangère 2003, 2003 Gerolsteiner (en) , Alessio 2003 (en) e Jean Delatour 2003 (en) | ||
| Localización e Datas | ||
| País | Francia e España | |
| Intervalo de tempo | 5 de xullo de 2003 – 27 de xullo de 2003 | |
| Número de edición | 90 | |
| Competición | ||
| Gañador da clasificación xeral | non outorgado→declarado deserto | |
| Segundo da clasificación xeral | Jan Ullrich | |
| Terceiro da clasificación xeral | Alexander Vinocurov | |
| Gañador da clasificación por puntos | Baden Cooke | |
| Gañador da clasificación da montaña | Richard Virenque | |
| Vencedor da classificação dos jovens | Denis Menchov | |
| Vencedora da classificação por equipas | CSC 2003 | |
|
| ||
| Outro | ||
| Páxina web oficial | letour.com… | |
Nesta edición tomaron a saída 22 equipos, formados por 9 corredores cada un, de xeito que o número de participantes total foi de 198, do cales remataron a carreira 147. Non obstante, algúns dos ciclistas que conseguiron completar o percorrido completo da proba, foron posteriormente descalificados por motivos de dopaxe, como foi o caso do gañador, Lance Armstrong. Entre o pelotón houbo tan só un representante galego, o redondelán Marcos Serrano, do equipo ONCE-Eroski, que correu co dorsal 18 e rematou a proba na 68ª posición
O Tour 2003 presentábase como un man a man entre os 3 corredores que dominaran o podio nas últimas edicións, é dicir, Lance Armstrong, Jan Ullrich e Joseba Beloki, coa presenza doutros candidatos a ocupar un posto no podio, como Alexander Vinocurov, Roberto Heras, Iban Mayo ou Gilberto Simoni, algún dos cales non estivo á altura do que se agardaba del.
A primeira semana de carreira foi intrascendente, cunha prólogo individual, varias etapas chas nas que se chegou ó sprint, e unha contra o reloxo por equipos. Co comezo da segunda semana chegaron os Alpes. Na primeira etapa de montaña gañou o escalador francés Richard Virenque, que colleu o liderado da carreira. Non obstante ese primeiro posto só lle durou un día, pois na segunda etapa, con meta en Alpe d'Huez, o americano Lance Armstrong púxose o maillot amarelo. A terceira etapa alpina sería a que marcaría ese Tour. Nela Joseba Beloki sufriu unha grave caída cando atacaba ó líder da carreira, quedando moi ferido, e sendo levado a un hospital. O resto daquel Tour foi un man a man entre Lance Armstrong e Jan Ullrich (o alemán gañou a contra o reloxo de 47 quilómetros da 12ª etapa mentres que o americano gañou a etapa pirenaica de Luz Ardiden na 15ª etapa), chegando a París con tan só un minuto e un segundo de diferenza dun sobre o outro. Con aquela vitoria, o americano acadaba o seu quinto Tour de Francia, e igualaba no máis alto do palmarés a Jacques Anquetil, Eddy Merckx, Bernard Hinault e Miguel Indurain. Pasarían 9 anos ata que a UCI tomase a decisión de sancionar ó ciclista texano retirándolle tódalas súas vitorias, e polo tanto tamén esta, incluídas as vitorias de etapa.
Etapas editar
- CRI - Contra o reloxo individual. CRE - Contra o reloxo por equipos.
Clasificación xeral editar
Así quedaron as primeiras posicións da clasificación xeral do Tour de Francia 2003 trala disputa da proba e trala descualificación de Lance Armstrong por parte da UCI en 2012.
| Posición | Ciclista | Equipo | Tempo |
|---|---|---|---|
 |
Vacante | - | - |
| Desc. |  Lance Armstrong |
||
| 2 |  Jan Ullrich |
Bianchi | + 1' 01" |
| 3 |  Alexander Vinocurov |
Deutsche Telekom | + 4' 14" |
| 4 | Tyler Hamilton |
CSC | + 6' 17" |
| 5 |  Haimar Zubeldia |
Euskaltel-Euskadi | + 6' 51" |
| 6 | Iban Mayo |
Euskaltel-Euskadi | + 7' 06" |
| 7 |  Ivan Basso |
Fassa Bortolo | + 10' 12" |
| 8 |  Christophe Moreau |
Credit Agricole | + 12' 28" |
| 9 | Carlos Sastre |
CSC | + 18' 49" |
| 10 | Francisco Mancebo |
iBanesto.com | + 19' 15" |
| 68 |  Marcos Serrano |
ONCE-Eroski | + 2h 07' 26" |
- Desc. - Descalificados.
Véxase tamén editar
Outros artigos editar
| Commons ten máis contidos multimedia sobre: Tour de Francia 2003 |