Total Control
Total Control é unha banda australiana de post-punk formada en Melbourne no ano 2008. O grupo está composto por Mikey Young (guitarra, teclados), Dan Stewart (voces), Al Montfort (guitarra), Zephyr Pavey (baixo) e James Vinciguerra (batería). Despois dunha serie de sinxelos, o álbum de estrea da banda, Henge Beat, foi publicado en agosto do ano 2011. O seu segundo traballo, Typical System, apareceu en xuño de 2014, e o terceiro, Laughing At The System, en decembro de 2017.
| Total Control | |
|---|---|
 | |
| Orixe | Melbourne,  Australia |
| Período | 2008 - presente |
| Xénero(s) | post-punk, garage rock, new wave, indie rock |
| Selo(s) discográfico(s) | Fuse, Iron Lung, Sub Pop |
| Membros | Mikey Young Dan Stewart Al Montfort Zephyr Pavey James Vinciguerra |
| Na rede | |
| Bandcamp | |
        | |
Historia editar
Total Control foi formado en 2008 polo membro da banda Eddy Current Suppression Ring Mikey Young e o de UV Race Dan Stewart. A parella, que se uniu xa que tiñan un interese común por artistas de principios dos 80 como Devo, Gary Numan, The Screamers e The Adolescents, gravando algunhas cancións usando un sampler e sintetizadores no estudio caseiro de Young. Durante os seguintes anos conseguiron un seguimento de culto editando unha serie de sinxelos en 7" e tocando tan só un feixe de concertos.[1][2][3]
Total Control converteuse nun quinteto coa incorporación do guitarrista Al Montfort, o baixista Zephyr Pavey, e o batería James Vinciguerra. Young explicou a razón da ampliación a The Washington Post: "Bandas con caixas de ritmos e tres sintetizadores non son tan divertidas de ver como as bandas con baterías e guitarras", dixo. "Decatámonos de que non podía ser bo en directo, así que intentamos adaptar as cancións para traballar nunha banda de rock and roll".[1]
A banda editou o seu álbum de estrea, Henge Beat, en agosto de 2011 a través do selo de Seattle Iron Lung Records. Despois realizaron unha xira polos Estados Unidos coa banda de San Francisco Thee Oh Sees, coa cal tamén lanzaron un EP compartido, e tocaron no festival All Tomorrow's Parties en Minehead, Somerset en decembro de 2011.[3]
O grupo lanzou o seu segundo álbum de estudio, Typical System, en xuño de 2014, novamente a través de Iron Lung.[4] O seu último traballo ata a data, Laughing At The System, apareceu en decembro de 2017.[5]
Discografía editar
Álbums editar
| Álbum | Ano | Selo |
|---|---|---|
| Henge Beat | 2011 | Iron Lung Records |
| Typical System | 2014 | Iron Lung Records |
| Laughing At The System | 2017 | Alter Records |
Notas editar
- ↑ 1,0 1,1 "Total Control’s Mikey Young finds inspiration in all the right places". Washington Post (en inglés). 2023-05-18. ISSN 0190-8286. Consultado o 2023-12-18.
- ↑ "Total Control Songs, Albums, Reviews, Bio & More". AllMusic (en inglés). Consultado o 2023-12-18.
- ↑ 3,0 3,1 "Fear & Mythologies: An Interview With Total Control". The Quietus (en inglés). Consultado o 2023-12-18.
- ↑ "Typical System, by Total Control". Total Control (en inglés). Consultado o 2023-12-18.
- ↑ "Laughing At The System, by Total Control". Total Control (en inglés). Consultado o 2023-12-18.