Tortilla francesa
A tortilla francesa ou omelette é un prato elaborado con ovo batido e cociñado con manteiga ou aceite de oliva (depende da zona) nunha tixola. En realidade trátase dunha tortilla de ovo que se serve como acompañamento ou entrante. A forma que adquire durante o seu cociñado é semellante á dunha folla redonda. A versatilidade deste prato é tan grande que existen innumerables variacións.
| Valor nutricional por 100 g | |
|---|---|
| Enerxía | 657 kJ (157 kcal) |
0.7 g | |
12 g | |
10.6 g | |
| Vitaminas | Cantidade %DV† |
| Vitamina A equiv. | 22% 172 μg |
| Tiamina (B1) | 9% 0.1 mg |
| Riboflavina (B2) | 33% 0.4 mg |
| Niacina (B3) | 1% 0.1 mg |
| Ácido pantoteico (B5) | 24% 1.2 mg |
| Vitamina B6 | 8% 0.1 mg |
| Ácido fólico (B9) | 10% 39 μg |
| Vitamina B12 | 46% 1.1 μg |
| Colina | 43% 212 mg |
| Vitamina D | 5% 29 IU |
| Vitamina E | 8% 1.2 mg |
| Vitamina K | 4% 4.5 μg |
| Minerais | Cantidade %DV† |
| Calcio | 5% 47 mg |
| Ferro | 12% 1.5 mg |
| Magnesio | 3% 10 mg |
| Fósforo | 23% 162 mg |
| Potasio | 2% 114 mg |
| Selenio | 38% 26.7 μg |
| Sodio | 11% 161 mg |
| Cinc | 9% 0.9 mg |
| Outros constituíntes | Cantidade |
| Auga | 75.9 g |
| Colesterol | 356 mg |
| |
| †As porcentaxes son aproximadas empregando a recomendación de US para os adultos. Fonte: Base de datos USDA Nutrient | |
Orixe da tortilla francesa editar
A orixe da expresión "tortilla francesa" difire do pensamento xeneralizado, segundo o cal este prato provén de Francia. O prato ten a súa orixe na España da Guerra da Independencia. Debido á guerra e aos bloqueos comezaron a escasear algúns alimentos, incluíndo as patacas, ingrediente necesario para elaborar unha tortilla. Así foi como se comezaron a elaborar tortillas simples, sen patacas, as cales foron chamadas pola xente a xeito de broma "tortilla francesa".
Variantes editar
- Na gastronomía española existe unha variedade de tortilla chamada tortilla de patacas[Cómpre referencia], este prato está elaborado con patacas e ovo (ás veces con cebola) e cocíñase con aceite de oliva. En Inglaterra denomínase tortilla española e adoita ter queixo ou anaquiños de xamón.
- A Western omelette, denominada tamén Denver omelette, é unha tortilla francesa elaborada con anacos de xamón, cebolas, e pementos. Sérvese a miúdo no medio oeste dos Estados Unidos, ás veces engádeselle queixo e adoita estar acompaña con patacas fritidas.
- Nos Estados Unidos, existe a denominación Spanish omelette, trátase dunha tortilla francesa servida con salsa de tomate picante, cebolas, e pementos verdes.
- A Frittata é a tortilla francesa da cociña italiana, esta contén queixo, vexetais, e incluso pasta. A Frittate cocíñase lentamente.
- No Xapón, elabórase unha tortilla francesa chamada omuraisu, pronunciada omuretsu, que significa "tortilla" e "arroz". A Omu-soba é outro tipo de tortilla francesa con yakisoba como recheo.
- Na Arxentina, a tortilla francesa coñécese como Omelette e adoita rechearse con xamón, queixo, tomate, maionesa etc. para ser logo enrrollada e formar unha especie de canelón.
- Na China elabórase un tipo de tortilla rechea de ostras.
- En Tailandia chámase kai yat sai.
Véxase tamén editar
Outros artigos editar
| Wikimedia Commons ten máis contidos multimedia na categoría: Tortilla francesa |