Tileiro prateado
| Tileiro prateado | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 Follas do tileiro prateado | |||||||||||||||||||
| Clasificación científica | |||||||||||||||||||
| |||||||||||||||||||
| Sinonimia | |||||||||||||||||||
O tileiro prateado (Tilia tomentosa) é unha ábore do xénero Tilia, orixinaria dos bosques dos Balcáns, Hungría e suroeste de Rusia. En Galiza aparece coma ornamental, salientando algúns exemplares.
Etimoloxía editar
O nome específico tomentosa, vén do latín tomentosus-a-um que quere dicir "con tomento", a respecto do mesto tomento (vilosidade) do envés das follas.
Descrición editar
É unha árbore vizosa, podendo acadar algúns exemplares os 30 m de altura. Medra axiña, máis ca outras especies de tileiros. Dá unhas flors abrancazadas ou amarelentas que botan un peculiar recendo.Florea a finais de xuño, comezos de xullo. Os froitos son en cápsula.
Cultivo e usos editar
Se se fai sementeira cómpre dunha estratificación ou ben por enxerto nun tileiro de folla grande. O cultivo é común polo seu crecemento rápido.
Árbores senlleiras en Galiza editar
Dúas formacións destes tileiros figuran no Catálogo de Árbores Senlleiras de Galicia, no apartado de Formacións Senlleiras:
- Tileiros prateados da igrexa de San Domingos de Ribadavia (Ourense);
- Tileiros prateados do Mosteiro de Oseira en San Cristovo de Cea (Ourense).
Notas editar
Véxase tamén editar
Ligazóns externas editar
| Wikimedia Commons ten máis contidos multimedia na categoría: Tileiro prateado |
| Wikispecies posúe unha páxina sobre: Tileiro prateado |