Thomas Myhre
Thomas Myhre, nado o 16 de outubro de 1973 en Sarpsborg, é un ex-futbolista noruegués, porteiro da selección nacional ata 2007.
| Thomas Myhre | |||
|---|---|---|---|
 Myhre en 2009 | |||
| Información persoal | |||
| Nome | Thomas Harald Myhre | ||
| Nacemento | 16 de outubro de 1973 | ||
| Lugar de nacemento | Sarpsborg | ||
| Altura | 1.88 m | ||
| Posición | Porteiro | ||
| Carreira xuvenil | |||
| Moss | |||
| Carreira sénior | |||
| Anos | Equipos | Aprs | (Gls) |
| –1992 | Moss | ||
| 1993–1997 | Viking | 94 | (0) |
| 1997–2001 | Everton | 70 | (0) |
| 1999 | → Rangers (cedido) | 3 | (0) |
| 2000 | → Birmingham City (cedido) | 7 | (0) |
| 2000 | → Tranmere Rovers (cedido) | 3 | (0) |
| 2001 | → FC Copenhagen (cedido) | 14 | (0) |
| 2001–2002 | Beşiktaş | 13 | (0) |
| 2002–2005 | Sunderland | 37 | (0) |
| 2003–2004 | → Crystal Palace (cedido) | 15 | (0) |
| 2005 | Fredrikstad | 3 | (0) |
| 2005–2007 | Charlton Athletic | 21 | (0) |
| 2007–2010 | Viking | 46 | (0) |
| 2010–2011 | Kongsvinger | 20 | (0) |
| Total | 346 | (0) | |
| Selección nacional | |||
| 1998–2007 | Noruega | 56 | (0) |
| Na rede | |||
   | |||
|
Partidos e goles só en liga doméstica. [ editar datos en Wikidata ] | |||
Traxectoria editar
Comezou a súa carreira no Moss, firmando co primeiro equipo en 1991 e tivo a oportunidade de entrar tamén en 1991 na selección norueguesa sub-21. En 1993 fichou polo Viking. Unha grave lesión no xeonllo fixo que perdese toda a tempada 1996, volveu co seu club a tempada seguinte e en 1997 entrou na Premier League da man do Everton. Myhre fixo un gran traballo como porteiro do Everton, e o seleccionador nacional convocouno por primeira volta no equipo absoluto nun amigable contra Dinamarca en abril de 1998. Foi tamén porteiro reserva no Mundial de Fútbol Francia 1998. Xogou toda a liga co Everton na tempada 1998/99 pero por mor dunha lesión ao principio da seguinte tempada perdeu a titularidade e xogou cedido no Birmingham, Tranmere, así como no equipo escocés dos Rangers e no F.C. København, co que logrou o título de liga en 2000/01. Tamén foi o porteiro de Noruega na Eurocopa 2000.
No verán de 2001 mercouno o Beşiktaş, pero logo dunha soa tempada en Turquía volveu a Inglaterra fichado polo Sunderland, nas dúas primeiras tempadas xogou como reserva pero tras unha lesión do titular Mart Poom, ao empezar a tempada 2004-05, quedou como porteiro titular, e a tempada rematou co ascenso á Premier League. Malia iso o club non renovou o seu contrato en 2005 e Myhre volveu ao seu país onde xogou co Fredrikstad, antes de volver, unha vez máis, a Inglaterra en 2013, esta volta co Charlton. Firmou en agosto de 2005 e parmaneceu ata 2010 ao mercalo o Viking. Pero en febreiro de 2010 tras discordar co club marchou.
Foi un integrante estable da selección nacional, con máis de 50 participacións. Pero logo de dous erros contra Bosnia e Hercegovina e Turquía que foron trascendentais para Noruega non se clasificar na Eurocopa, o seleccionador decidiu substituílo por Håkon Opdal.