Theodor W. Hänsch
Theodor Wolfgang Hänsch, nado o 30 de outubro de 1941 en Heidelberg, é un físico alemán. Foi galardoado cun Premio Nobel de Física en 2005, compartido con John L. Hall, polas súas contribucións no desenvolvemento da espectroscopia baseada no láser. Tamén ese ano o premio foi para Roy J. Glauber.
Traxectoria editar
Estudou física na Universidade de Heidelberg, onde fixo o seu doutoramento en 1969. Máis tarde realizou estudos post-doutorais nos Estados Unidos, e foi profesor de física na Universidade Stanford de 1975 a 1986. Dende 1986 foi director no Instituto Max Planck de Óptica Cuántica e profesor de Física Experimental na Universidade Ludwig Maximilians de Múnic. Os seus principais campos de investigación son as de alta precisión láser de espectroscopia de hidróxeno e elementos similares e a investigación dos gases cuánticos ultrafríos.