The Nightmare Before Christmas

The Nightmare Before Christmas é un filme de animación baseado no poema de Tim Burton, producido por Touchstone Pictures, estreado o 29 de outubro de 1993, e distribuído por Touchstone Pictures nas salas de cinema dos Estados Unidos. Foi dirixido por Henry Selick e producido e coescrito por Tim Burton.

Pesadelo antes do Nadal
Ficha técnica
Título orixinalThe Nightmare Before Christmas
DirectorHenry Selick
ProdutorTim Burton
Denise DiNovi
GuiónCaroline Thompson
IntérpretesDanny Elfman (Jack Skellington, canciones / Barrel)
Chris Sarandon (Jack Skellington, diálogos)
Catherine O'Hara (Sally / Shock)
William Hickey (Dr. Finklestein)
Glenn Shadix (Alcalde)
Paul Reubens (Lock)
Ken Page (Oogie Boggie)
Ed Ivory (Santa Claus, narrador)
MúsicaDanny Elfman
FotografíaPete Kozachik
MontaxeStan Webb
EstudioSkellington Productions
DistribuidoraTouchstone Pictures
Duración76 minutos
OrixeEstados Unidos de América Estados Unidos
XéneroAnimación
Fantasía
Musical
Terror
Orzamento$18 000 000[1]
Recadación$75 082 668[2]
Na rede
http://movies.disney.com/the-nightmare-before-christmas
IMDB: tt0107688 Filmaffinity: 366417 Allocine: 27633 Rottentomatoes: m/nightmare_before_christmas Mojo: nightmarebeforechristmas Allmovie: v119910 Metacritic: movie/the-nightmare-before-christmas Netlix: 806284Editar o valor em Wikidata

Sinopse

No inicio do filme, preséntase "Halloween Town" e a súa celebridade máis famosa, Jack Skellington, o rei de cabaza (The Pumpkin King). Vemos que Jack, a pesar de ser amado e respectado polos habitantes da cidade, sofre de depresión, porque está canso de celebrar o Halloween ano tras ano. Na súa miseria, camiña sen rumbo polo cemiterio co seu can fantasma: Zero. Máis tarde descobre un círculo de árbores que nunca vira antes. Cada árbore ten un representante na porta da festa que pertence á cidade á que conduce. Jack é inmediatamente atraído a unha árbore chea de adornos. Cando Jack abre a porta para a árbore de Nadal, é transportado a unha cidade chea de neve, luces e felicidade. Jack está resaltado con todas as cores, que enchen o aire, e entende que é o que estaba a buscar.

Produción

A idea orixinal para a película ocorréuselle a Tim Burton, mentres traballaba como animador para a Disney. A idea comezou a tomar forma na súa cabeza cando viu nunha tenda que os trebellos de Halloween estaban a ser trocados polos de Nadal. Así, naceu o gusto de Tim por filmes como How the Grinch Stole Christmas (De como o Grinch roubou o Nadal) do Dr Seuss, e Rudolph o reno do nariz Vermello. Nunha entrevista tamén describe Nightmare Before Christmas en oposición a unha historia do Grinch, mentres que o segundo tenta destruír o Nadal, Jack realmente quere celebralo, pero accidentalmente acaban case por destruílo. Á vez que traballaba, Burton fixo un poema sobre un anaco de papel e algúns debuxos. Nesta versión, contaba só con Jack, Zero e Papá Noel. O resultado do filme foi moi diferente a partir desta primeira vista.

O guión foi adaptado por Michael McDowell e guionizado por Caroline Thompson. Orixinalmente, Tim Burton ofreceu esta idea para a compañía Disney, pero foi rexeitada. Disney dixo que era para mozos máis vellos, de modo que Burton mantivo o seu equipo e continuou o seu traballo en The Black Cauldron. Non foi ata anos máis tarde que Burton podería comezar a produción do filme que sempre arelou crear.

O filme non o puido dirixir por conflitos de axenda con Batman Returns. Orixinalmente ía ser un libro para nenos con rimas. Finalmente, a película foi dirixida por Henry Selick e escrita por Michael McDowell e Carolina Thompson, baseado na historia, mundo e personaxes orixinais de Burton. O deseño das escenografías, os personaxes e a historia fixeron desta película unha pequena obra mestra non comprendida pola crítica. Porén, a historia do rei do país do Halloween que desexa transformarse nun benévolo Papá Noel foi ben recibida polo público, converténdose nun filme de culto. Desde entón os produtos alusivos á cinta véndense por millóns, desde carteiras ata xoguetes. Burton colaborou con Selick de novo para James and the Giant Peach (1996), película que Burton coproduciu. O filme axudou a xerar un renovado interese na animación stop-motion.

Unha escena borrada de The Nightmare Before Christmas representaba un grupo de vampiros xogando ó hóckey nun lago conxelado coa cabeza decapitada do produtor, Tim Burton. A cabeza foi substituída por unha cabaza de Halloween.

Voces

Notas

  1. Mark Salisbury, Tim Burton (2006). Faber and Faber, ed. Burton on Burton. Londres. pp. 121–127. ISBN 0-571-22926-3. 
  2. "Tim Burton's The Nightmare Before Christmas (1993)". Box Office Mojo. Consultado o 28 de setembro de 2014. 

Véxase tamén

Ligazóns externas