As covas de aceiro
As covas de aceiro[3][4] (en inglés: The Caves of Steel) é unha novela escrita por Isaac Asimov e publicada en Galaxy Magazine dende outubro a decembro de 1953. A edición de Doubleday foi publicada en 1954. Nesta obra, Asimov introduce a dúas das súas personaxes máis coñecidas, Elijah Baley e Daneel Elivaw, que volverán aparecer no resto de "Novelas dos Robots".
| As covas de aceiro | |
|---|---|
 | |
| Título orixinal | The Caves of Steel |
| Autor/a | Isaac Asimov |
| Cuberta | Ruth Ray[1] |
| Orixe | Estados Unidos de América |
| Lingua | Inglés |
| Xénero(s) | Novela |
| Editorial |  Revista Galaxy Editorial Hugin e Munin |
| Data de pub. | 4 de febreiro de 1954[2] 2014 |
| Formato | Tapas duras e brandas |
| Páxinas | 296 |
| ISBN | ISBN 978-84-942005-5-7 |
| Tradución | Alejandro Tobar |
| [ editar datos en Wikidata ] | |
Foi traducido ó galego por Alejandro Tobar[5] e foi publicado pola Editorial Hugin e Munin no ano 2014.[3]
Características editar
A historia sitúase nun futuro no que o ser humano leva séculos espallándose pola galaxia, ata chegar a ter 50 Mundos Exteriores colonizados. No comezo da novela, a colonización está estancada, e a situación dos habitantes destes planetas colonizados (espaciais ou spacers) e dos terrícolas é moi diferente.
Os terrícolas amontóanse nas Cidades, enormes construcións subterráneas que intentan aproveitar os recursos limitados dunha forma eficiente para poder abastecer á cada vez maior poboación.
Os espaciais atópanse nunha situación completamente diferente. Viven en mundos cunha baixa densidade de poboación, gozan dunha lonxeva vida (chegan facilmente aos 300 anos), viven en harmonía cos robots e teñen un elevado nivel de vida.
Sinopse editar
A Elijah Baley, detective do departamento de policía da Cidade de Nova York, encárganlle a investigación dun asasinato no Enclave Espacial, no que viven os poucos espaciais que se atreven a permanecer na Terra. Para resolver o caso, e evitar que os Mundos Exteriores esixan responsabilidade á Terra, deberá traballar cun robot humaniforme, R. Daneel Olivaw.
Notas editar
- ↑ Publication Listing. Isfdb.org. Consultado o 2 de novembro de 2013.
- ↑ "Books Published Today". The New York Times: 23. 4 de febreiro de 1954.
- ↑ 3,0 3,1 As covas de aceiro. Traducido por Alejandro Tobar (1ª ed.). Santiago de Compostela: Editorial Hugin e Munin. 2014. ISBN 978-84-942005-5-7 – vía Biblioteca da Tradución Galega.
- ↑ Asimov, Isaac (2014). As covas de aceiro. Editorial Hugin e Munin. ISBN 978-84-942005-5-7. Arquivado dende o orixinal o 04 de marzo de 2016. Consultado o 14 de setembro de 2014.
- ↑ Editorial Hugin e Munin (ed.). "Catálogo da Editorial Hugin e Munin (actualizado o 1 de xaneiro de 2019)" (PDF). p. 24. Arquivado dende o orixinal (PDF) o 03 de abril de 2019. Consultado o 26 de marzo de 2019.