Textura fluidal

A textura fluidal en moitas rochas volcánicas exprésase por cristais orientados segundo o fluxo do magma ou por estratos de distintas texturas ou composicións mineralóxicas.

Características

Distínguense os estratos laminares e pregados. Os estratos planares orixínanse nunha corrente laminar no magma movéndose. Os estratos pregados manifestan unha transición entre un fluxo puramente laminar e un fluxo turbulento, por exemplo debido a un obstáculo como un bloque rochoso incorporado no magma ou un impedimento como podería ser un tipo de resalto no camiño que segue o magma na superficie. A textura fluidal orixinase do arrefriamento, mentres que as correntes de lava flúen sobre a superficie ou sobre o fondo do mar e indica a estrutura interna do fluxo do magma viscoso durante a súa localización ou o seu movemento sobre a superficie terrestre.