Temisto (lúa)
Temisto (do grego: Θεμιστώ), tamén coñecida coma Xúpiter XVIII, é unha pequena lúa irregular de movemento directo de Xúpiter. Foi descuberta no ano 1975, deuse coma perdida, para ser recuperada no ano 2000.
 | |
| Descubrimento | |
|---|---|
| Descuberta por | Charles Kowal (1975) Elizabeth Roemer (1975) |
| Descuberta no | 30 de setembro de 1975 21 de novembro do 2000 redescubrimento |
| Designación alternativa | Xúpiter XVIII |
| Características orbitais | |
| Raio orbital medio | 7.391.650 km (0,04941 UA) |
| Periapse | 5.909.000 km (0,039 AU) |
| Apoapse | 8.874.300 km (0,059 AU) |
| Excentricidade | 0,2006 |
| Período orbital | 129,82761 d (0,3554 a) |
| Inclinación | 45,81° (respecto da eclíptica) 47,48° (respecto do ecuador de Xúpiter) |
| Velocidade orbital | 4,098 km/s |
| Satélite de | Xúpiter |
| Características físicas | |
| Raio medio | 4 km[1] |
| Circunferencia | ~25 km |
| Área superficial | ~200 km² |
| Volume | ~270 km3 |
| Masa | ~6,89 x 1014 kg |
| Densidade media | 2,6 g/cm3 asumida[2] |
| Gravidade superficial | ~0,0029 m/s2 (0,0003 g) |
| Velocidade de escape | ~0,0048 km/s |
| Albedo | 0,04 asumido[1] |
| Temperatura | ~124 K |
Descubrimento e nome editar
Temisto foi descuberta por Charles T. Kowal e Elizabeth Roemer o 30 de setembro de 1975, o seu descubrimento foi anunciado o 3 de outubro de 1975,[3] e recibiu a designación provisional de S/1975 J 1. Pero como máis adiante non se puideron facer observacións para establece-la súa órbita, deuse coma 'perdida'.
Temisto aparecía nos anos 80 coma unha simple cita a pé de páxina. Todo cambiaría no 2000, un aparentemente novo satélite era descuberto por Scott S. Sheppard, David C. Jewitt, Yanga R. Fernández e Eugene A. Magnier, e foi designado provisionalmente coma S/2000 J 1. Ó pouco confirmaríase que este novo satélite era o mesmo obxecto co detectado no ano 1975. O anuncio do equipo de Sheppard [4] foi inmediatamente corroborado cunha observación do 6 de agosto do 2000 feita polo equipo de Brett J. Gladman, John J. Kavelaars, Jean-Marc Petit, Hans Scholl, Matthew J. Holman, Brian G. Marsden, Philip D. Nicholson e Joseph A. Burns — unha observación que foi enviada ó Centro de Planetas Menores -Minor Planet Center- pero que non foi publicada nunha circular do UAI (IAUC).[5]
En outubro do 2002 recibiría oficialmente o nome de Temisto[6], o seu nome provén dunha das 50 nereidas, aínda que algúns autores sinalan que é a filla do deus fluvial Inachus.
Características editar
Temisto ten unha órbita infrecuente. Ó contrario ca meirande parte da lúas de Xúpiter, as cales orbitan en distintos grupos, Temisto orbita soa, a medio camiño entre as lúas de Galileo e o grupo de satélites Himalia.
Temisto ten uns 8 km en diámetro (asumindo un albedo de 0,04)[1]
Notas editar
- ↑ 1,0 1,1 1,2 Sheppard, S. S.; Jewitt, D. C.; An abundant population of small irregular satellites around Jupiter, Nature, 423 (maio de 2003), pp. 261-263
- ↑ Parámetros físicos extraidos do JPL
- ↑ IAUC 2845: Probable New Satellite of Jupiter 3 de outubro de 1975 (descubrimento)
- ↑ IAUC 7525: S/1975 J 1 = S/2000 J 1 25 de novembro do 2000 (recuperación)
- ↑ MPEC 2000-Y16: S/1975 J 1 = S/2000 J 1, S/1999 J 1 19 de decembro do 2000 (recuperación e efemérides)
- ↑ [ http://www.cbat.eps.harvard.edu/iauc/07900/07998.html IAUC 7998: Satellites of Jupiter] 22 de outubro do 2002 (bautizando a lúa)
- Efemérides IAU-MPC NSES
- Parámetros orbitais principais NASA JPL
Véxase tamén editar
Outros artigos editar
Ligazóns externas editar
- David Jewitt's pages (en inglés)
- Jupiter's Known Satellites (by Scott S. Sheppard) (en inglés)