Tallulah Bankhead

Tallulah Brockman Bankhead, nada en Huntsville (Alabama) en 1902 e finada en Nova York en 1968, foi unha actriz estadounidense.

Tallulah Bankhead

(1941)
Biografía
Nacemento	(en) Tallulah Brockman Bankhead 31 de xaneiro de 1902 Huntsville, Estados Unidos de América (pt)
Morte	12 de decembro de 1968 (66 anos) Nova York, Estados Unidos de América
Causa da morte	Morte natural  (Pneumonía )
Lugar de sepultura	Fairlee (en) , Old St. Paul’s Kent Churchyard, Section A, Lot 94 St. Paul's Kent Churchyard (en)
Datos persoais
País de nacionalidade	Estados Unidos de América
Educación	Mary Baldwin University (en)
Actividade
Ocupación	actriz de televisión , autobiógrafa , actriz de cinema , actriz de teatro
Período de actividade	1918 - 1968
Partido político	Partido Demócrata
Lingua	Lingua inglesa
Familia
Cónxuxe	John Emery (1937–1941)
Pai	William B. Bankhead (pt)
Parentes	John H. Bankhead (avó) John H. Bankhead II (pt) (tío paterno) Marie Bankhead Owen (pt) (tia parterna (pt) )
Premios  Alabama Women's Hall of Fame (en)  estrela no Paseo da Fama de Hollywood

Tallulah Bankhead.

Traxectoria

Filla do congresista William Brockman Bankhead, aos quince anos logo de gañar un concurso de beleza dunha revista cinematográfica convenceu á súa familia para se trasladar a a Nova York e en 1918 debutou no teatro cun pequeno papel en The Squab Farm. Logo de participar nalgúns filmes, en 1923 marchou a Londres onde actuou en doce obras nos seguintes oito anos con grande éxito.

Regresou en 1931 para se converter na Marlene Dietrich norteamericana, pero os filmes que protagonizou foron un fracaso. Malia iso David O. Selznick pensou nela para o papel de Scarlett O'Hara, pero aínda que as probas que fixo para Foise co vento foron boas, ao final non a elixiu pola súa idade. Tallulah regresou a Broadway pero non acadou o éxito ata 1939 coa obra The Little Foxes. En 1944 co papel da cínica xornalista Constance Porter no filme de Alfred Hitchcock, Lifeboat realizou a que se considera a súa mellor interpretación cinematográfica.

Nas décadas de 1950 e 1960 seguiu actuando en Broadway e en programas de radio e televisión, nas mediadas da década de 1950 a súa carreira comeza a declinar, en parte pola súa afección ao alcol.