Tajumulco
O Tajumulco é un estratovolcán que con 4.220 metros sobre o nivel do mar é a montaña máis alta de Guatemala e aínda de toda América Central, incluíndo as illas caribeñas.
| Tajumulco | |
|---|---|
 | |
| Altitude | 4.220 m |
| Latitude | 15º 02' 33" N |
| Lonxitude | 91º 54' 17" O |
| Rexión | Guatemala |
| Montaña | Serra Madre de Chiapas |
| Primeiro ascenso | Inmemorial |
| Tipo de volcán | Estratovolcán |
Situación editar
O Tajumulco érguese no departamento de San Marcos, no concello de Tajumulco, no suroeste de Guatemala. Forma parte da cadea da Serra Madre de Chiapas, que se prolonga desde México, país do que dista unhas decenas de quilómetros.
O contorno ambiental do volcán é tropical, e as terras próximas son de grande fertilidade. Bosques de piñeiros arrodean a base.
Características editar
O volcán posúe dúas cimas, das cales a máis elevada atinxe os 4.220 metros. O cráter ten un diámetro aproximado de máis de 50 metros.
Actividade editar
Aínda que se ten falado de erupcións do Tajumulco durante o século XIX, o certo é que non hai rexistros documentares que o verifiquen. Porén en outubro de 1765 rexistráronse tremores e casas dun asentamento foron destruídas, a consecuencia dunha avalancha de rochas
Ascensión editar
É unha montaña doada de escalar. O punto de partida adoita situarse en San Marcos. Desde o seu cume poden contemplarse o océano Pacífico, máis próximo, e o océano Atlántico.