T-7A
T-7A foi un foguete sonda de propelente líquido da República Popular da China, sucesor do T-7.[1]
| T-7A | |
|---|---|
| país de orixe | República Popular da China[1] |
| Tamaño | |
| altura | 10,00 m[1] |
| diámetro | 0,45 m máximo[1] |
| masa | 1300 kg[1] |
| Etapas | 1[1] |
| Lanzamento históricos | |
| Estado | Retirado[1] |
Características editar
T-7A foi desenvolvido a partir de xaneiro de 1962 para cumprir o obxectivo de facer investigacións por enriba dos 60 km de altura de teito máximo do T-7. Os requirimentos eran poder enviar 40 kg de carga a 115 km de altura ou 170 kg a 60 km. A sección de carga estaba deseñada para poder separarse do resto do foguete e ser recuperada mediante paracaídas, o que permitía enviar cargas biolóxicas, xeofísicas ou de estudos de radiación. O primeiro lanzamento dun T-7A tivo lugar o 1 de decembro de 1963 e foi un éxito, recuperándose a carga útil. En varios dos lanzamentos posteriores se enviaron ratas, ratos, moscas do vinagre e outros seres vivos a bordo. Nun lanzamento en xuño de 1965 enviouse un can a bordo bautizado como Xiao Bao para estudar, mediante unha cámara a bordo, o seu comportamento en microgravedade.[1]