Supermartes
Supermartes foi un programa concurso emitido na Televisión de Galicia entre 1992 e 2005. Desde 1996 o programa emitiuse en directo. En total graváronse 635 edicións.
| Supermartes | |
|---|---|
| Duración | 180 minutos |
| Presentado por | Xosé Manuel Piñeiro |
| Cadea | TVG |
Descrición editar
Baseado no formato do popular show televisivo Sábado gigante da televisión chilena,[Cómpre referencia] o programa tiña diferentes probas ("O mentireiro verdadeiro", "Asalto á fama"…) das que se escollía un finalista que participaba na proba final ("Superprendas"). O gañador pasaba logo a un panel do que saían os premios. Na realización das probas participaban personaxes galegos coñecidos.
O programa era presentado por Xosé Manuel Piñeiro, coa voz en off de Gonzalo Faílde. O personaxe de Atilano, con aspecto de esqueleto, trataba de que os concursantes errasen.
Outras versións editar
En 2002 estreouse unha versión na televisión andaluza.