Severino Lagares Gundín
Severino Lagares Gundín, nado en Vilasantar en 1899 e finado na Coruña o 4 de maio de 1951, foi un garda civil que foi designado como alcalde de Vilasantar durante a guerra civil española.
| Biografía | |
|---|---|
| Nacemento | 1899  Vilasantar, España |
| Morte | 4 de maio de 1951 (51/52 anos) A Coruña, España |
| Alcalde de Vilasantar | |
| | |
| Datos persoais | |
| País de nacionalidade | España |
| Actividade | |
| Ocupación | político , garda civil |
| Lingua | Lingua castelá |
Traxectoria editar
Fillo do industrial José Larares Fandiño, que foi xuíz municipal de Vilasantar, Severino ingresou na Garda Civil.
O 5 de agosto de 1925 Manuel Blanco Fernández dirixíase ao serradoiro no que traballaba, cando ao pasar pola Ponte do Sapo recibiu dous disparos. Aínda que el non sospeitaba de ninguén, segundo o informe da Garda Civil os rumores apuntaban a Severino Lagares, fillo do dono da fábrica, aínda que ningún veciño se prestou a declarar por medo a represalias. O fiscal pedía dous anos, oito meses e dous días de prisión para Lagares, pero o caso pechouse por falta de probas.[1][2]
En marzo de 1936 foi detido e posto a disposición xudicial por celebrar unha reunión clandestina na súa casa.[3]
Logo do golpe de Estado do 18 de xullo de 1936, o alcalde democraticamente elixido, Antonio Iglesias Corral, da Fronte Popular, foi apartado do cargo (e máis tarde fusilado) e Severino Lagares foi designado para ocupar o seu posto.[4] Finou na Coruña o 4 de maio de 1951.[5]
Vida persoal editar
Casou con María Mosquera Aller e foi pai de María de las Nieves, María Luisa, Julia e Jaime Lagares Mosquera.
Notas editar
| Predecesor: Antonio Iglesias Corral |
 Alcalde de Vilasantar 1936 - 1937 |
Sucesor: Rafael Seijas Ladrón de Guevara |