Sergei Esenin
Sergei Alexandrovich Esenin (en ruso Серге́й Алекса́ндрович Есе́нин), nado en Konstantinovo (Riazan) o 3 de outubro de 1895 e finado en Leningrado o 27 de decembro de 1925, foi un poeta ruso, expoñente do imaxinismo ruso e un dos máis populares e coñecidos do século XX a pesar de morrer novo, suicidándose aos 30 anos.
  | |
| Nome orixinal | (ru) Сергей Александрович Есенин |
|---|---|
| Biografía | |
| Nacemento | 21 de setembro de 1895 (Xuliano) Konstantinovo, Rusia (en)  |
| Morte | 28 de decembro de 1925 (30 anos) San Petersburgo (Unión Soviética) |
| Causa da morte | Suicidio e asasinato (Enforcamento ) |
| Lugar de sepultura | Vagankovo Cemetery (en) |
| Datos persoais | |
| País de nacionalidade | Imperio Ruso República Socialista Soviética Federativa de Rusia República Russa (pt) Unión Soviética |
| Actividade | |
| Ocupación | poeta , escritor |
| Período de actividade | 1910 - 1925 |
| Xénero artístico | Poesia lírica (pt) e poesia narrativa (pt) |
| Movemento | New Peasant Poets (en) e Imagismo russo (pt) |
| Lingua | Lingua rusa |
| Familia | |
| Cónxuxe | Sofya Yesenina-Tolstaya (en) (1925–) Isadora Duncan (1922–1924) Sinaida Nikolajewna Reich (pt) (1917 (Xuliano)–1921)Anna Izryadnov (en) (1913–1916) |
| Parella | Nadezhda Volpin (en) |
| Fillos | Tatyana Yesenina (en) (  ) Sinaida Nikolajewna Reich (pt) Alexander Esenin-Volpin (pt) ( ) Nadezhda Volpin (en) Konstantin Yesenin (en) ( ) Sinaida Nikolajewna Reich (pt) |
Sinatura  | |
| Páxina web | esenin.ru |
      | |
Traxectoria editar
Primeiros anos editar
Esenin procedía dunha familia de labregos de disidentes relixiosos (vellos crentes) e foron os seus avós maternos os que o educaron. En 1912 mudouse a Moscova traballando como corrector de probas nunha imprenta, ao ano seguinte matriculouse na Universidade Estatal de Moscova como estudante externo e alí estudou durante ano e medio; a poesía desa época baséase no folcloreruso. En 1915 estaba en San Petersburgo, onde fixo amizade cos poetas Alexander Blok, Sergei Gorodetski, Nikolai Kliuev e Andrei Beli e comezou a se facer coñecido nos círculos literarios, especialmente Blok axudou a promover a carreira de Esenin como poeta.
Carreira editar
En 1916 Esenin publicou o seu primeiro libro de poemas,Radunitsa. Os seus poemas sobre o amor e a vida simple convertérono nun dos poetas máis populares da época, presentándose a si mesmo como un simple campesiño que clamaba pola volta á vida das aldeas e contra os perigos da industrialización[1]. A finais dese ano 1916 volveu a San Petersburbo, con Klyuev. Durante un breve tempo apoiou a Revolución Rusa o que queda ben reflectido na súa obra Inonia, pero ao pouco desilusionouse, criticando aos bolxeviques. En setembro de 1918, Esenin fundou a súa propia editorial. En outono de 1921, mentres visitaba o estudo do pintor Georgi Yakulov, coñeceu a Isadora Duncan, a pesar de ela non saber ruso e el descoñecer calquera outra lingua casaron o 2 de maio de 1922, acompañando á que era unha auténtica celebridade mundial na época na súa xira por Europa e os Estados Unidos, pero o seu alcoholismo fixo que perdera o control numerosas veces, o que recibiu moita publicidade na prensa internacional da época. Para maio de 1923, o matrimonio rematara e el estaba de volta en Moscova.
Últimos anos editar
Os dous últimos anos da vida de Esenin estiveron marcados pola bebida e a conduta errática, mais tamén creou algúns dos seus máis famosos poemas como Moskva kabatskaya. Pouco antes de morrer sufriu unha crise nerviosa que o tivo hospitalizado durante un mes, dous días despois de deixar o centro sanitario, cortou o pulso e co seu propio sangue escribiu un poema, e xa ao día seguinte colgouse no cuarto que ocupaba no Hotel Angleterre.
Notas editar
- ↑ Victor Terras Handbook of Russian Literature:Yale University Press (1990), páx. 131
Véxase tamén editar
| A Galipedia ten un portal sobre: Rusia |
| Commons ten máis contidos multimedia sobre: Sergei Esenin |