Seamus Heaney
Seamus Heaney, nado o 13 de abril de 1939 en Derry (Irlanda do Norte) e finado en Dublín o 30 de agosto de 2013 [1] foi un escritor irlandés. En 1995 foi galardoado co Premio Nobel de Literatura.
Traxectoria editar
En 1957 marchou a Belfast para estudar literatura na Queen’s University, onde impartiu clases entre 1966 e 1972 antes de dedicarse plenamente á literatura. Heaney, católico irlandés, afectado pola violencia entre católicos e protestantes no Ulster, decidiu trasladarse a Dublín en 1972. No Carysfort College desta cidade impartiu clases entre 1975 e 1980. Obtivo unha cátedra na Universidade Harvard (Massachusetts) en 1984, e entre 1989 e 1994 foi catedrático de Poesía na Universidade de Oxford (Inglaterra).
No ano 2000 foi investido Doutor Honoris causa pola Universidade da Coruña[2].
Obra editar
A poesía de Heaney, desde os seus comezos en Death of a naturalist (1966), estivo ancorada nos contextos físicos e rurais da súa infancia. A medida que se desenvolve a súa obra, eses escenarios convértense no foco dunha busca arqueolóxica dos mitos e historias que contribuíron a configurar a violenta situación política de Irlanda do Norte, que só tratou abertamente en North (1975). A obra de Heaney mostra unha gran flexibilidade rítmica, pero é sobre todo a intensidade do seu linguaxe, que contrasta co silencio da xentes que describe, o que a fixo famosa. Outros libros seus son: Door into the Dark (1969), Wintering Out (1972), Traballo de campo (1979) (traducido ao galego por Vicente Araguas en 1996), Station Island (1984), The Haw Lantern (1987), Seeing Things (1991), The Spirit Level (1996, premio Whitbread), Electric Light (2001). Seamus publicou en 2000 unha tradución ao inglés moderno do poema épico anglosaxón Beowulf que se converteu nun best-séller no Reino Unido e nos Estados Unidos, e pola que recibiu novamente o premio Whitbread. En galego tamén está traducida a obra teatral A cura en Troia: versión do Filoctetes de Sófocles.[3]
Tamén escribiu diversos ensaios de crítica literaria: Preoccupations: Selected Prose 1968–1978 (1980) e The Government of the Tongue (1988). Recibiu o Premio Nobel de Literatura en 1995.
Notas editar
- ↑ "O adeus galego a Seamus Heaney, o irlandés con 'imaxinación poética' da Fisterra" Arquivado 04 de marzo de 2016 en Wayback Machine., artigo en Sermos Galiza, 2 de setembro de 2013.
- ↑
Vídeo da investidura de Seamus Heaney como Doutor honoris causa pola Universidade da Coruña.
- ↑ Heaney, Seamus (1998). A cura en Troia : versión do Filoctetes de Sófocles. Vigo: Edicións Xerais. ISBN 8445322036.
| A Galipedia ten un portal sobre: Irlanda |