Scafati Basket

O Scafati Basket, actualmente coñecido como Givova Scafati por motivos de patrocinio, é un equipo de baloncesto profesional italiano con sede en Scafati, Campania. Fundado en 1969, o club xoga os seus partidos como local no PalaMangano, recinto con capacidade para 3 700 espectadores. Após conseguiren o ascenso desde a Serie A2 na temporada 2021−22, o equipo compite na LBA, a máxima categoría do baloncesto transalpino.

Givova Scafati
Información xeral
Liga	LBA
Fundación	1969
Cores	Amarelo, azul
Presidente	Alessandro Rossano
Adestrador	Alessandro Rossi
Patrocinador	Givova
Localización
Cidade	Scafati, Italia
Pavillón	PalaMangano
Capacidade	3 700
Inauguración	2001
scafatibasket.com

Historia

Os comezos do baloncesto na cidade de Scafati remóntanse ao ano 1949, cando uns rapaces de Acción Católica fundaron o equipo Silvio Pellico, que na Serie C enfrontarase co outro equipo Scafati, o dos monárquicos, chamado Savoia. En 1955 os dúas clubs fusionáronse e deron a luz ao Scafatese Basket. En 1969 refúndase o club co nome de Centro Sportivo Scafatese. O punto de inflexión chegou nos anos noventa, cando o presidente, Aniello Longobardi, tomou as rendas do equipo. Entre 1994 e 1998, o Scafati Basket obtivo dous ascensos. O primeiro tivo lugar en 1995 cando o entón Credicoop Scafati, dirixido polo adestrador Ciracì e que contaba con xogadores como Alfonso Girota, Jurich, Giovanni Tramonti, Festinese, Pagano e Grimaldi chegou á serie B2. En 1998 o Credicoop após tres anos conseguiu un segundo ascenso, esta vez á Serie B de Excelencia, gañando 28 partidos de 32, baixo a dirección do adestrador Franco Gramenzi.

Na temporada 1999−2000 comezou un novo ciclo. A directiva reforzou tanto o equipo e asinou un contrato de patrocinio coa firma Ovito, que asociaba o seu nome ao do primeiro equipo (Ovito Scafati). O campionato rematou para Scafati na sexta posición, logrando clasificarse para o play-off co adestrador Massimo Mangano. Ovito Scafati gañou fóra da casa na primeira rolda do play-off ante un rival de prestixio como o Virtus Imola, pero logo Massimo Mangano sufriu un derramo cerebral e morreu poucos días despois. Mangano foi substituído polo seu segundo, Antonio Petillo, que conseguiu leva a Ovito Scafati á final do play-off ante o Baltur Cento. Despois da vitoria no xogo 1, chegou, porén, unha forte derrota no xogo 2, que levou aos dous equipos a disputar o ascenso no decisivo terceiro partido. O Ovito Scafati foi case sempre en desvantaxe, mais a un segundo do final unha tripla do lesionado Pierfilippo Rossi, levou aos dous equipos á prórroga. Na prórroga o Ovito Scafati consegue sa vitoria, aterrando na Serie A2, segunda categoría do baloncesto italiano.

Na temporada 2005−2006 o Eurorida Scafati logrou o ascenso á Serie A sen sequera pasar polo play-off. A tempada non comezou do mellor xeito, con dúas derrotas nos dous primeiros partidos ante o Rieti e o Imola, pero tras este incerto inicio o equipo recuperouse e mantivo case sempre o liderado da clasificación, conseguindo o ascenso á máxima categoría cunha xornada de antelación. Na temporada 2006−2007, o Scafati comeza a tempada co adestrador Aza Petrović e despois continúa con Teoman Alibegović. Nas filas de Legea Scafati hai xogadores do talle de Rick Apodaca, S. Smith, Anthony Carter, que foron a columna vertebral do equipo durante a tempada. A temporada rematou co club na décima posición, preto de clasificarse para o playoff. A seguinte temporada (2007-2008) tivo unha tendencia diferente que desembocou co descenso do club xunto co histórico Pallacanestro Varese.

Despois do descenso, o equipo comeza unha nova andaina no campionato da Legadue. Na temporada 2011−2012 o Givova Scafati chegou ao xogo 5 das semifinais, perdendo ao final contra o Pistoia. Na temporada 2012−13 o Scafati foi derrotado polo mesmo equipo, esta vez en cuartos de final. Tras a eliminación ante o Pistoia, o club comunica a súa renuncia a continuar na competición e intercambia a súa praza co Pallacanestro Trapani. Así, o Scafati comeza unha nova etapa na División Nacional B. Tras a cesión da súa praza, o equipo consegue regresar á Serie A2 para a temporada ano 2014−2015. Tras varias temporadas, na temporada 2021−2022 o club consegue xogar a final polo ascenso após ao Assigeco Piacenza nas semifinais polo ascenso. Na final teríanse que enfrontar ao histórico Pallacanestro Cantù, sendo esta eliminatoria decidida no quinto e definitivo encontro disputado en Scafati e coa vitoria do equipo local, que regresaría á máxima categoría despois de 14 anos.

Patrocinios

Por motivos de patrocinio, o club tivo diversos nomes ao longo da súa historia:

• Centro Sportivo Scafatese (1969−1995)
• Credicoop Scafati (1995–1999)
• Ovito Scafati (1999−2000)
• Longobardi Scafati (2000−2001)
• Rida Scafati (2001–2003)
• Eurorida Scafati (2003–2006)
• Legea Scafati (2006–2008)
• Harem Scafati (2008–2009)
• Bialetti Scafati (2009–2010)
• Sunrise Scafati (2010–2011)
• Givova Scafati (2011–presente)

Xogadores

Destacados

• Luigi Datome
• Vincenzo Esposito
• Nicolás Gianella
• Maximiliano Stanic
• Lucas Victoriano
• Rubén Wolkowyski
• Jason Smith
• Dimitri Lauwers
• Greg Newton
• Michael Andersen
• Lamont Barnes
• Michael Campbell
• Anthony Carter
• James Collins
• Randolph Childress
• Marcus Hatten
• Harold Jamison
• Linton Johnson
• Doron Lamb
• Josh Powell
• Jamal Robinson
• Curtis Staples
• Chandler Thompson
• Frankie Williams
• Darryl Wilson
• Steponas Babrauskas
• Nkechi Ezugwu
• Mike Lenzly

Adestradores

• Lillino Ciracì (1994−1997)
• Gianluca Tucci (1998−1999)
• Tony Trullo (1999)
• Massimo Mangano (1999−2000)
• Antonio Petillo (2000)
• Giovanni Gebbia (2000−2001)
• Marcello Perazzetti (2001)
• Virginio Bernardi (2001)
• Francesco Vitucci (2002−2003)
• Franco Marcelletti (2003−2004)
• Marcello Perazzetti (2004)
• Franco Gramenzi (2004−2005)
• Giorgio Valli (2005−2006)
• Aza Petrović (2006)
• Teoman Alibegović (2006−2007)
• Marco Calvani (2007−2008)
• Franco Gramenzi (2008−2009)
• Luigi Gresta (2009)
• Maurizio Bartocci (2009)
• Marco Calvani (2009−2010)
• Giulio Griccioli (2010−2012)
• Maurizio Bartocci (2012−2013)
• Domenico Sorgentone (2013−2014)
• Francesco Ponticiello (2014)
• Giovanni Putignano (2014−2015)
• Alessandro Finelli (2015)
• Giovanni Perdichizzi (2015−2016)
• Andrea Zanchi (2016)
• Zare Markovski (2016)
• Giovanni Perdichizzi (2016−2018)
• Marco Calvani (2018)
• Lino Lardo (2018−2019)
• Giulio Griccioli (2019)
• Giovanni Perdichizzi (2019−2020)
• Alessandro Finelli (2020−2021)
• Alessandro Rossi (2021−presente)

Palmarés

Copa da Legadue (2ª Categoría)

• Campións (1): 2006

Copa da LNP (2ª Categoría)

• Campións (1): 2016

Véxase tamén

Ligazóns externas

• Páxina web oficial (en italiano)