Saul Bellow

Saul Bellow, nado en Lachine (Québec) o 10 de xuño de 1915 e finado en Brookline (Massachusetts) o 5 de abril de 2005, foi un escritor norteamericano de orixe xudía. Naceu no Canadá, pero viviu desde pequeno nos Estados Unidos. Foi galardoado co Premio Nobel de Literatura en 1976.

Saul Bellow

Saul Bellow e Dejan Stojanovic en 1992.
Nome orixinal	(en) Saul Bellow
Biografía
Nacemento	(en) Solomon Bellows 10 de xuño de 1915 Lachine, Canadá
Morte	5 de abril de 2005 (89 anos) Brookline, Massachusetts, Estados Unidos
Lugar de sepultura	Morningside Cemetery (en) Brattleboro (pt)
Xuíz do Premio Booker
Datos persoais
Residencia	Brookline (pt) (1993–2005) Montreal
País de nacionalidade	Estados Unidos de América
Relixión	Xudaísmo
Educación	Universidade Northwestern (pt) - socioloxía, antropoloxía (–1937) Universidade de Chicago (1933–) Roberto Clemente Community Academy (en) Universidade de Wisconsin-Madison Camp B'nai Brith (en) Weinberg College of Arts and Sciences (en)
Actividade
Campo de traballo	Novela
Ocupación	escritor , ensaísta , profesor universitario , novelista , autor
Empregador	Universidade de Nova York Universidade de Chicago
Membro de	Academia das Artes e das Ciencias dos Estados Unidos Academia Estadounidense das Artes e as Letras
Xénero artístico	novela
Influencias	Delmore Schwartz (en) , Miguel de Cervantes, Thomas Mann, Stendhal, Anton Chekhov, James Joyce, Wilhelm Reich, Mark Twain, Rudolf Steiner, Marcel Proust, Fiódor Dostoievski, Franz Kafka, Joseph Conrad e William Shakespeare
Lingua	Lingua inglesa
Obra
Obras destacables (1953) As Aventuras de Augie March (pt) (1959) Henderson the Rain King (en) (1964) Herzog (pt)
Arquivos en	Coleccións Especiais e Arquivos Universitarios da Universidade de Victoria [ SC153]
Familia
Cónxuxe	valor descoñecido (1989–2005), morte da persoa Alexandra Bellow (pt) (1974–1985), divorcio valor descoñecido (1961–1964), divorcio valor descoñecido (1956–1959), divorcio valor descoñecido (1937–1956), divorcio
Fillos	Adam Bellow (en)  ()
Premios (1998)  premio Common Wealth (1989)  Helmerich Award (en) (1989)  Prémio PEN/Malamud (pt) (1986)  St. Louis Literary Award (en) (1980)  O. Henry Award (en) (1977)  Emerson-Thoreau Medal (en) (1977)  Jefferson Lecture (en) (1976)  Premio Nobel de Literatura (1976)  Premio Pulitzer de Ficción, premiado polo traballo Humboldt's Gift (en) (1971)  National Book Award for Fiction (en) , premiado polo traballo Mr. Sammler's Planet (en) (1965)  Premio Formentor (1965)  National Book Award for Fiction (en) , premiado polo traballo Herzog (pt) (1955)  Bolsa de estudos Guggenheim (1954)  National Book Award for Fiction (en) , premiado polo traballo As Aventuras de Augie March (pt) (1948)  Bolsa de estudos Guggenheim  Medalla Nacional das Artes  Oficial da Lexión de Honra  Membro da Academia Estadounidense das Artes e as Ciencias
Sinatura

Traxectoria

Naceu no seo dunha familia xudía de orixe rusa. Aos 9 anos a súa familia trasladouse a Chicago. Participou como soldado na segunda guerra mundial, estudou na Universidade de Northwestern e foi profesor da de Chicago. Estivo casado en cinco ocasións. Considéraselle un referente dentro do grupo de escritores norteamericanos de relixión xudía da segunda metade do século XX.

A súa primeira novela, Dangling man (1944), reflicte a ansiedade e a preocupación dun mozo que espera ser mobilizado en tempo de guerra. A esta primeira novela seguiulle The victim (1947). Tras obter unha bolsa da fundación Guggenheim, Bellow viviu durante un tempo en Europa, onde escribiu a maior parte de The Adventures of Augie March (1953). Esta novela, un longo relato libremente estruturado cun heroe propio da picaresca, ofrece un vivo e humorístico retrato da comunidade xudía de Chicago a través dun mozo en busca da súa identidade. A humanidade moderna, ameazada con perder a súa identidade pero aínda non destruída espiritualmente, é o tema das súas obras posteriores, Seize the Day (1956) e Henderson the Rain King (1959). Herzog (1964) e Mr. Sammler's Planet (1970), galardoadas co National Book Award (Premio Nacional do Libro), retratan aos intelectuais xudeus na súa loita contra o malestar espiritual que os rodea.

Pulitzer e Nobel

Bellow recibiu o Premio Pulitzer en 1976 por Humboldt's Gift (1975) e tres meses máis tarde foi laureado co Premio Nobel de Literatura (1976) pola comprensión e análise sutil que realiza da sociedade contemporánea nos seus traballos. O autor prosegue a súa análise da cultura contemporánea en The Dean's December (1982). Bellow dominou o escenario da ficción americana, en especial o do romance xudeu-americano na posguerra. O seu traballo expresa a ascensión da sensibilidade dos inmigrantes xudeus a un lugar de poder e visión na América urbana contemporánea, ben como a angustia moral daqueles que se viron como "superviventes" do Holocausto - como Sammler, heroe de seu libro Mr. Sammler's Planet.

Obras

Ficción

• Dangling Man (1944)
• The Victim (1947)
• The Adventures of Augie March (1953)
• Seize the Day (1956)
• Henderson the Rain King (1959)
• Herzog (1964)
• Mosby's Memoirs (contos que aparecen tamén en Collected Stories) (1968)
• Mr. Sammler's Planet (1970)
• Humboldt's Gift (1975), co que gañou o Pulitzer de 1976
• The Dean's December (1982)
• Him with His Foot in His Mouth (contos que aparecen tamén en Collected Stories) (1984)
• More Die of Heartbreak(1987)
• A Theft (1989)
• The Bellarosa Connection (1989)
• Something to Remember Me By: Three Tales (cos contos A Theft e The Bellarosa Connection) (1991)
• The Actual (1997)
• Ravelstein (2000)
• Collected Stories (2001)

Ensaios

• To Jerusalem and Back (1976)
• It All Adds Up (1994)
• Graven Images (1997)

Véxase tamén

Ligazóns externas

• Site Nobel con dous discursos (un gravado) e biografía.