Santiago Cazorla
Santiago Cazorla González, nado en Lugo de Llanera (Asturias) o 13 de decembro de 1984, é un futbolista español. Xoga de centrocampista no Oviedo, da Segunda División.
| Santi Cazorla | |||
|---|---|---|---|
 Cazorla xogando co Arsenal en 2012 | |||
| Información persoal | |||
| Nome | Santiago Cazorla González | ||
| Nacemento | 13 de decembro de 1984 (39 anos) | ||
| Lugar de nacemento | Lugo de Llanera | ||
| Altura | 1,68 m. | ||
| Posición | Centrocampista | ||
| Información de club | |||
| Club actual | Oviedo | ||
| Carreira xuvenil | |||
| 1992–1996 | Covadonga | ||
| 1996–2003 | Oviedo | ||
| Carreira sénior | |||
| Anos | Equipos | Aprs | (Gls) |
| 2002–2003 | Oviedo B | ||
| 2003–2006 | Villarreal B | 40 | (4) |
| 2003–2006 | Villarreal | 54 | (2) |
| 2006–2007 | Recreativo | 34 | (5) |
| 2007–2011 | Villarreal | 127 | (23) |
| 2011–2012 | Málaga | 129 | (25) |
| 2012–2018 | Arsenal | 129 | (25) |
| 2018–2020 | Villarreal | 70 | (15) |
| 2020–2023 | Al Sadd | 55 | (23) |
| 2023– | Oviedo | 0 | (0) |
| Selección nacional | |||
| 2004–2006 | España sub-21 | 7 | (0) |
| 2008–2019 | España | 81 | (15) |
| Na rede | |||
     | |||
|
Partidos e goles só en liga doméstica. Club: actualizado a 16 de agosto de 2023. Selección: actualizado a 16 de agosto de 2023.[ editar datos en Wikidata ] | |||
Foi 81 veces internacional coa selección española, coa que gañou as Eurocopas de 2008 e 2012.[1]
Traxectoria editar
Santi Cazorla iniciou a súa carreira nas categorías inferiores do Club Deportivo Covadonga e pasou logo nove anos no Real Oviedo e un ano cedido ao Astur Club de Fútbol. En 2003, logo do descenso do Real Oviedo, Cazorla ficha polo Villarreal. Pasou as seguintes tres tempadas no equipo. Marcou 4 goles na Copa da UEFA e xogou 2 partidos da Liga de Campións.
No verán de 2006 é traspasado ao Recreativo de Huelva con opción de recompra por parte do Villarreal. O 17 de xullo de 2006 é presentado no seu novo equipo, no que xogaría unha tempada. Na tempada 2007/08 Cazorla ficha novamente polo Villarreal.
No verán de 2008, varios clubs europeos interésanse polo xogador asturiano, como o AS Roma ou o Real Madrid, pero finalmente Cazorla opta por renovar o seu contrato por catro anos co Villarreal.
No verán de 2011 víñase especulando coa súa posible fichaxe polo Málaga CF, feito que se materializou definitivamente entre ambos os clubs o 26 de xullo. O prezo da fichaxe foi de ao redor de 20 millóns de euros.[2]
Selección nacional editar
Foi 7 veces internacional coa selección española sub-21. O 17 de maio de 2008, foi convocado por primeira vez por Luis Aragonés coa selección absoluta para a Eurocopa 2008 disputada en Austria e Suíza. Debutou o 31 de maio de 2008 en Huelva nun amigábel contra Perú, e o 10 de xuño debutou en partido oficial en Innsbruck contra Rusia. O xogador marcou nos penaltis do partido de cuartos de final e tamén disputou a final da Eurocopa na que España gañou a Alemaña con gol de Fernando Torres.
Unha lesión impediu que fora convocado para o Mundial de Suráfrica de 2010, pero foi novamente convocado para o amigábel contra México do 5 de agosto de 2010.
Tamén foi seleccionado para xogar a Eurocopa 2012 de Polonia e Ucraína, na que España volveu conquistar o título de campioa de Europa.
Palmarés editar
- Villarreal
- Copa Intertoto (1): 2004.
- Arsenal
- FA Cup (1): 2014/15.
- Community Shield (2): 2014, 2015.
- Al Sadd
- Liga das Estrelas de Qatar (2): 2020/21, 2021/22.
- Copa do Emir de Qatar (2): 2020, 2021.
- Copa de Qatar (1): 2021.
- Copa das Estrelas de Qatar (1): 2019/20.
- Selección española
Notas editar
- ↑ Marca, ed. (1 de xullo de 2012). "España reescribe a historia".
- ↑ El Mundo, ed. (26 de xullo de 2011). "O Villarreal pecha o traspaso de Cazorla ao Málaga por 20 millóns de euros".