Samuel Botsford Buckley

Samuel Botsford Buckley, nado o 9 de maio de 1809 en Torrey, Nova York, e finado o 18 de febreiro de 1884 en Austin, Texas, foi un xeólogo e naturalista estadounidense especializado en botánica e entomoloxía.

Samuel Botsford Buckley

Biografía
Nacemento	9 de maio de 1809 Torrey, Nova York
Morte	18 de febreiro de 1884 Austin, Texas
Datos persoais
País de nacionalidade	estadounidense
Educación	Universidade Wesleyana
Actividade
Campo de traballo	Botánica
Ocupación	naturalista, xeólogo
Obra
Abreviación dun autor en botánica	Buckley

Traxectoria

Buckley graduouse na Universidade Wesleyana en 1836.

Estudou a florabotánica dos estados do sur dos Estados Unidos e descubriu moitas novas especies de plantas e caracois.

Foi xeólogo do estado de Texas entre 1860 e 1861, e determinou a altura do monte Buckley (que leva o seu nome) nas Great Smoky Mountains de Carolina do Norte, xunto con outros picos.

Foi o editor científico da State Gazette en Austin, Texas entre 1871 e 1872.

Escribiu numerosos artigos científicos e libros sobre árbores e arbustos norteamericanos.

Algunhas publicacións

• 1860. "The cutting ant of Texas". Proceedings of the Academy of Natural Sciences of Philadelphia 12: 233–236.
• 1860. "Myrmica (Atta) molefaciens, "Stinging Ant" or "Mound-Making Ant" of Texas". Proceedings of the Academy of Natural Sciences of Philadelphia 1860: 445–447.
• 1861. "Note on ants in Texas". Proceedings of the Academy of Natural Sciences of Philadelphia 13: 9–10.
• 1866. "Descriptions of new species of North American Formicidae". Proceedings of the Academy of Natural Sciences of Philadelphia 6: 152–172; 335–350.

Honores

Eponimos

O xénero Buckleya, da familia das santaláceas, que comprende especies de arbustos semiparasitos, leva o seu nome na súa honra.

Abreviatura

A abreviatura Buckley emprégase para recoñecer a Samuel Botsford Buckley como autoridade na descrición e taxonomía en botánica.