Rubus

O xénero Rubus acolle a especies de plantas pertencentes á familia das rosáceas, subfamilia Rosoideae. A silveira e o framboeseiro pertencen a este xénero.

Rubus caesius

Descrición botánica

As especies do xénero Rubus caracterízanse por posuír talos espiñentos como as roseiras e a miúdo se lles chama silvas; aínda que o nome é máis frecuentemente utilizado para a especie Rubus ulmifolius (a verdadeira silva ou silveira) e especies similares coma Rubus fruticosus, que teñen hábitos rubideiros, e non para o framboeseiro que posúe talos erectos. Os seus froitos (amoras e framboesas), encádranse popularmente nos chamados froitos do bosque; botanicamente malia agruparse coma bagas non o son. Os froitos son carnosos e están formados por numerosas drupas miudiñas (polidrupa) unidas entre si.

Especies

Artigo principal: Especies de Rubus.

Algunhas das especies máis coñecidas do xénero:

• Rubus caesius
• Rubus idaeus: framboeseiro común
• Rubus chamaemorus: silveira boreal
• Rubus fruticosus: silveira brava
• Rubus glaucus: silveira andina
• Rubus loganobaccus: silveira de Logan (híbrido natural entre framboeseiro e silveira)
• Rubus phoenicolasius: framboeseiro xaponés
• Rubus spectabilis: silveira laranxa
• Rubus ulmifolius: silveira de follas de umeiro

Véxase tamén

Outros artigos

• Amora
• Rubus subg. Rubus