Roque Barcia Ferraces
Roque Barcia Ferraces de la Cueva, nado en Piñeiro (Cora, A Estrada) o 31 de decembro de 1776[1] e finado en Madrid en 1838, foi un comerciante e político galego.
Biografía | |
---|---|
Nacemento | (es) Roque Antonio de Jesús de Barcia Ferraces de la Cueva 31 de decembro de 1776 Piñeiro, España |
Morte | 1838 (61/62 anos) Madrid, España |
Datos persoais | |
País de nacionalidade | España |
Ideoloxía política | Conservacionismo (pt) |
Actividade | |
Ocupación | político |
Lingua | Lingua castelá |
Familia | |
Fillos | Roque Barcia Martí |
Traxectoria editar
Fillo de Nicolás Juan José Francisco de Barcia Fernández de Ávila (1732-1816) e de Rosa Ferraces Pastor Torrado. Foi funcionario da administración de rendas e aduanas. En 1800 estableceuse en Isla Cristina (provincia de Huelva), onde desde 1809 foi escribán público
De ideoloxía liberal, durante o trienio liberal (1820-1823) desenvolveu unha intensa actividade política en Madrid[2]. Solicitou a prohibición das artes de pesca de arrastre non controladas e introducidas por cataláns e valencianos nas costas de Huelva[3], e pediu que a capital da provincia de Huelva pasase a ser Ayamonte.
Tras a restauración absolutista exiliouse en Portugal. Nunha solicitude presentada á alcaldía de La Redondela en 1829 definíase como comerciante de viños. En 1834 regresou a Madrid, onde residiu até o seu falecemento.
Vida persoal editar
Casou con Teresa Martí Duboy, de Isla Cristina, e tiveron seis fillos e fillas: Filomena, Joaquina (falecida cun ano de idade), Nicolás (falecido cun ano de idade), Hermenegilda, Amparo (finada cun ano de idade) e Roque Barcia Martí.
Obras editar
- Pequeña memoria de grandes desaciertos sobre la Pesca, Madrid: Imp. de Eusebio Álvarez, 1822.
- Memoria sobre el establecimiento de Capital de una nueva provincia en la Bética : como será mas rica la nueva Provincia, estableciendose su capital en Huelva, en Moguer, en Valverde del Camino ó en Ayamonte. Madrid, 1822
Notas editar
- ↑ Bértolo Ballesteros, J. M.; Ferro Pego, L. (2010). "La «Casa de Barcia» en San Miguel de Cora (A Estrada)" (PDF). A Estrada. Miscelánea histórica e cultural (13): 191–138.
- ↑ García Moscardó, E. (2016). "Democracia, república y federación. Una aproximación al proyecto federal de Roque Barcia Martí". Espacio, tiempo y Forma (28): 23-44. Arquivado dende o orixinal o 03 de setembro de 2019. Consultado o 21 de abril de 2020.
- ↑ Campos Carrasco, J. M. (2017). El patrimonio histórico y cultural en el paraje natural Marismas del Odiel: un enfoque diacrónico y transdisciplinar. Huelva: Servicio de Publicaciones de la Universidad de Huelva. p. 379.
Véxase tamén editar
Bibliografía editar
- Carmona, Antonio; Caballero, Pablo (2011): Recuerdo de una memoria olvidada. Roque Bárcia Ediciones.