Ronsel
Ronsel foi unha revista mensual editada en Lugo en 1924. O título fai referencia á marca que deixa unha embarcación pola popa e, por extensión, ao rastro que deixa alguén ou algo que pasa.
| Ronsel | |
|---|---|
 | |
| País | España |
| Lugar de publicación | Lugo |
| Na rede | |
 | |
| [ editar datos en Wikidata ] | |
- Non confundir coa Colección Ronsel, de poesía, da Editorial Galaxia.
Historia e características editar
Subtitulada Revista de Arte e Revista de la nueva generación gallega (nº 6), apareceu en maio de 1924. Estaba dirixida por Evaristo Correa Calderón e figuraba como director artístico Álvaro Cebreiro. Entre os seus redactores estaban Francisco Luís Bernárdez, Eugenio Montes, Manuel Antonio, Jesús Bal y Gay, Luís Pimentel e Cándido Fernández Mazas. De carácter ecléctico, integrou as correntes máis abertas e vangardistas en materia de creación literaria do momento. Acabou integrando unha xeración de autores galegos, sobre todo lucenses, moi vinculados ás posicións nacionalistas. Incluíu críticas e colaboracións literarias, así como traducións ao castelán de autores cataláns, franceses ou alemáns. No aspecto plástico colaboraron Cebreiro, Alfonso Daniel Rodríguez Castelao, Ánxel Xohán, Carlos Sobrino Buhigas e Suárez Couto. Cesou a súa publicación en novembro de 1924 co número 6. O 15 de xaneiro de 1975 saíu publicado un número extraordinario, en conmemoración do quincuaxésimo aniversario da súa creación.[1]
Notas editar
Véxase tamén editar
Bibliografía editar
- Méndez Ferrín, Xosé Luis (1984). De Pondal a Novoneyra. Xerais. pp. 52–53. ISBN 84-7507-139-2.
- Santos Gayoso, Enrique (1990). Historia de la Prensa Gallega 1800-1986. Sada: Ediciós do Castro. ISBN 84-7492-489-8.
- Vilavedra, D., ed. (1997). Diccionario da Literatura Galega. II. Publicacións periódicas. Galaxia. pp. 430–431. ISBN 84-8288-137-X.
- "Ronsel". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.