Ron Gilbert
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2016.) |
Ron Gilbert é un deseñador, programador e produtor de videoxogos, coñecido sobre todo polo seu traballo en varias aventuras gráficas clásicas de LucasArts, incluíndo Maniac Mansion e os dous primeiros xogos da saga Monkey Island.
  | |
| Biografía | |
|---|---|
| Nacemento | 1 de xaneiro de 1964 (60 anos) La Grande, Estados Unidos de América (pt)  |
| Datos persoais | |
| País de nacionalidade | Estados Unidos de América |
| Actividade | |
| Campo de traballo | Designer de jogos eletrônicos (pt) |
| Ocupación | produtor de videoxogos , programador , blogueiro , enxeñeiro , designer de jogos eletrônicos (pt) |
| Lingua | Lingua inglesa |
| Páxina web | grumpygamer.com |
  | |
Traxectoria editar
Gilbert medrou nunha pequena vila de Oregón, sendo fillo dun profesor de física dun colexio. Mentres estaba na escola secundaria, Gilbert aprendeu pola súa conta a programar en linguaxe ensambladora e adicou moito do seu tempo ó desenvolvemento do seu talento como programador. Comezou a súa carreira profesional en 1983, sendo aínda estudante, escribindo un programa chamado Graphics Basic con Tom McFarlane. Eles vendérono a unha compañía da baía de San Francisco chamada HESware (Human Engineered Software). Impresionados co seu traballo, HESware ofreceulle traballo a Gilbert. Pasou alí medio ano, programando xogos de plataformas para o Commodore 64 (C64). Ningún deles chegou a ser publicado, pola quebra da compañía. Pouco despois, Gilbert uniuse a Lucasfilm Games, que máis tarde converteríase en LucasArts. Alí gañou a vida facendo conversións para o C64 dos xogos de Lucasfilm para o Atari 800.
En 1985 tivo a oportunidade de desenvolver o seu propio xogo sobre unha escura mansión vitoriana habitada por un científico tolo, a súa lixeiramente atrasada proxenie e estraños extraterrestres. Ron Gilbert e o artista de Lucasfilm Games Gary Winnick tiveron esta idea durante varias conversacións, que logo presentaron á dirección.
Gilbert programou unha linguaxe de script, que recibiu nome polo proxecto para o que fora escrita, Script Creation Utility for Maniac Mansion, máis coñecido como SCUMM.
Maniac Mansion foi lanzado en 1986 (máis tarde para a NES) e tivo un éxito incrible. SCUMM demostrou ser unha base técnica perfecta para aventuras gráficas. Gilbert creou máis xogos para LucasArts usando o seu motor, incluíndo o clásico The Secret of Monkey Island, ata que deixou a compañía para fundar Humongous Entertainment con Shelley Day, tamén de LucasArts.
En Humongous Entertainment, Gilbert foi o responsable de xogos como Putt-Putt, Freddi Fish, Pajama Sam e a serie Backyard Sports. Gilbert tamén foi fundador de Cavedog Entertainment e produtor de Total Annihilation.
Véxase tamén editar
Ligazóns externas editar
- GrumpyGamer.com, blog de Ron Gilbert
- Biografía de Ron Gilbert en MobyGames Arquivado 07 de febreiro de 2005 en Wayback Machine.