Ricky Rubio
Ricard "Ricky" Rubio Vives, nado o 21 de outubro de 1990 en Barcelona, é un xogador profesional español de baloncesto.
_(cropped).jpg)
| |
| Posición | Base |
|---|---|
| Información persoal | |
| Nacemento | 21 de outubro de 1990 (33 anos) El Masnou, España
|
| Altura | 1,93 m (6 ft 4 in) |
| Peso oficial | 86 kg (190 lb) |
| Información da carreira | |
| NBA Draft | 2009 / Rolda: 1 / Elección: 5 Por Minnesota Timberwolves |
| Carreira | dende 2005 |
| Historial de equipos | |
| Joventut Badalona (2005–2009) Barcelona (2009–2011) Minnesota Timberwolves (2011–2017) Utah Jazz (2017–2019) Phoenix Suns (2019–2020) Minnesota Timberwolves (2020–2021) Cleveland Cavaliers (2021–2024) | |
| Premios e galardóns | |
| 1× Estrela emerxente da Euroliga (2010) 1º Equipo de Rookies NBA (2012) | |
Traxectoria profesional editar
España editar
.jpg)
Rubio debutou na Liga ACB na tempada 2005-06 co DKV Joventut. Ese ano gañou o EuroChallenge co equipo. Liderou a ACB en roubos de balón na tempada 2006-07. Nesa mesma tempada, gañou o premio ao xogador revelación da liga. Rubio ademais foi o mellor xogador novo do ano da FIBA en 2007, 2008 e 2009, que premia ao mellor xogador do ano de 22 anos ou menos.[1] Fixo o seu debut na Euroliga o 24 de outubro de 2006. Gañou a Eurocup co Joventut en 2008. Foi elixido coma o mellor base da ACB en 2008 e 2010.
Na tempada 2008-09 foi elixido coma o mellor xogador defensivo da liga, e ao remate desa tempada, declarouse elixible para o Draft da NBA de 2009.[2][3] Nese ano, fichou polo FC Barcelona, onde estivo dous anos.
NBA editar
O 1 de xuño de 2011, anunciouse que Rubio e Minnesota chegaron a un acordo para que o xogador chegase aos Timberwolves na tempada 2011-12. Rubio debutou con Minnesota o 26 de decembro de 2011 no Target Center, que rexistrou un cheo absoluto, primeiro cheo no pavillón dende a tempada 2007-08. Nese partido, Rubio fixo 6 puntos, 5 rebotes e 6 asistencias na derrota por 104-100 contra os Oklahoma City Thunder.[4]
O 30 de xuño de 2017, Rubio foi traspasado ós Utah Jazz a cambio dunha elección da segunda rolda do Draft de 2018.[5]
O 8 de xullo de 2019, Rubio asinou un contrato de tres anos e 51 millóns de dólares cos Phoenix Suns.[6]
O 16 de novembro de 2020, Rubio foi traspasado xunto a Kelly Oubre Jr., Ty Jerome e Jalen Lecque ós Oklahoma City Thunder, a cambio de Chris Paul e Abdel Nader.[7] Tan só dous días despois, Rubio foi traspasado de novo ós Minnesota Timberwolves.[8]
O 3 de agosto de 2021, Rubio foi traspasado ós Cleveland Cavaliers a cambio de Taurean Prince e unha elección da segunda rolda do Draft de 2022.[9]
Notas editar
- ↑ FIBAEurope.com Rubio article.
- ↑ Marca.com Ricky Rubio confirma que se inscribirá en el 'draft'.
- ↑ ESPN.com Agent confident Rubio to stay in draft.
- ↑ "Ricky Rubio impresses but Wolves fall to Thunder in Sellout Opener". Arquivado dende o orixinal o 11 de xaneiro de 2012. Consultado o 03 de xaneiro de 2012.
- ↑ "Jazz Acquire Ricky Rubio from Timberwolves". NBA.com. 30 de xuño de 2017. Consultado o 30 de xuño de 2017.
- ↑ "Suns Sign Ricky Rubio". NBA.com. 8 de xullo de 2019. Consultado o 9 de xullo de 2019.
- ↑ "Thunder Acquires Ty Jerome, Jalen Lecque, Kelly Oubre Jr., Ricky Rubio and 2022 First-Round Draft Pick". NBA.com. 16 de novembro de 2020. Consultado o 16 de novembro de 2020.
- ↑ Hine, Chris (19 de novembro de 2020). "Timberwolves take Edwards No. 1 overall — then trade for Ricky Rubio". Star Tribune.
- ↑ "Cavaliers Acquire Ricky Rubio from the Minnesota Timberwolves". NBA.com. 3 de agosto de 2021.
Véxase tamén editar
Ligazóns externas editar
- Ricky Rubio's Official Site (en inglés)/(en castelán)
- Perfil en NBA.com (en inglés)
- Perfil en Eurobasket.com (en inglés)
- Perfil en ACB.com (en castelán)