República de Florencia
A República de Florencia (en italiano, Repubblica Fiorentina) foi unha cidade estado establecida en Florencia (na actual Toscana, Italia). A república fundouse en 1115 cando os florentinos derribaron a Marca de Toscana e formaron unha comuna á morte da marquesa Matilde.
| Respublica Florentina (la) Repubblica fiorentina (it)  | |||||
| Localización | |||||
|---|---|---|---|---|---|
| |||||
| Capital | Florencia | ||||
| Poboación | |||||
| Lingua oficial | toscano (pt)  | ||||
| Relixión | Igrexa católica | ||||
| Xeografía | |||||
| Bañado por | Mar Mediterráneo | ||||
| Datos históricos | |||||
| Precedido por | |||||
| Creación | 1115 (Gregoriano) | ||||
| Disolución | 1569 1532 | ||||
| Sucedido por | Gran Ducado de Toscana | ||||
| Organización política | |||||
| Forma de goberno | Aristocracia | ||||
| Órgano lexislativo | Priorato delle Arti (en) , | ||||
| Moeda | Florín florentino | ||||
A comuna estaba rexida por un consello coñecido como La Signoria, que era elixida polo gonfaloneiro (gobernante titular da cidade), que á súa vez era elixido por membros dos gremios florentinos.[1]
A historia da República abunda en loitas entre distintas faccións. Os Medici tomaron o control da cidade en 1434, tras o golpe de Estado de Cosme de Medici contra a facción que o desterrara o ano anterior.
Os Medici manterían o goberno da cidade até 1494, cando foron expulsados brevemente polo freire radical Girolamo Savonarola e despois de que Xoán de Médici (futuro papa León X) reconquistara a cidade en 1512.
A autoridade medicea foi repudiada unha segunda vez, en 1527, durante a Guerra da Liga de Cognac, pero reasumiron o poder en 1531, despois dun asedio a Florencia de once meses.
A República foi abolida en 1532, cando o papa Clemente VII nomeou duque de Florencia a Alexandre de Medici, pasando o goberno de república a monarquía hereditaria.[2]
Notas editar
- ↑ History of Florence. About Florence (en inglés)
- ↑ Strathern, Paul (2003): The Medici: Godfathers of the Renaissance. Londres: Vintage books. ISBN 978-0-09-952297-3