Rebeca (nome)

Para outras páxinas con títulos homónimos véxase: Rebeca (homónimos).

Rebeca é un nome feminino galego de orixe hebraica.

Rebeca e Eliezer, obra de Bartolomé Esteban Pérez Murillo, no Museo do Prado (Madrid).

A primeira mención ao nome atópase no Antigo Testamento (véxase Rebeca), coma dona de Isaac (fillo do patriarca Abraham), e nai de Xacob e mais de Esaú.

Rebeca é un dos nomes máis populares para as raparigas nos Estados Unidos, Australia, Canadá, Irlanda, Reino Unido e Suecia. En Galiza non é un dos nomes máis populares, con todo 2.879 mulleres levan este nome nas catro provincias. Ningunha das parroquias galegas leva o nome de Rebeca como padroeiro, logo non era un nome común en Galiza.

Etimoloxía

O seu significado máis probábel é ‘fascinante’. Pode ser de orixe aramea, aínda que isto é controvertido. W. F. Albright sostivo que significa ‘terra’, e que era o nome dunha deusa-terra. En grego tamén pode significar ‘fertilidade’.

Onomástica

• 23 de marzo: Rebeca de Himlaia (Santa Rebeca de Himlaia - Rafka Choboq Ar-Rayes) nada en Himlaia, o 29 de xuño de 1832 e finada en Batroun o 23 de marzo de 1914. Foi unha relixiosa maronita libanesa, o seu nome real era Petra Choboq Ar-Rayes, descendía dunha familia campesiña.

Personaxes

Históricas

• Rebeca, muller da Biblia do Antigo Testamento.

Galegas

• Rebeca Montero, actriz galega (n. 1967);
• Rebeca Baceiredo, filósofa e escritora galega (n. 1979);

Doutras nacionalidades

• Rebecca Mader, actriz inglesa (n. 1977);
• Rebecca Romijn, actriz e modelo estadounidense (n. 1972);
• Rebecca West, escritora e xornalista de orixe irlandesa (n. 1892);
• Rebecca Latimer Felton, escritora, profesora, reformista estadounidense (n. 1835);
• Rebeca Clarke, compositora e violista inglesa (n. 1866);
• Rebeca Correa, poeta e tradutora neerlandesa-portuguesa en lingua castelá (n. 1655);
• Rebeca Acevedo, profesora e botánica chilena (n. 1902);
• Rebeca Matte Bello, escultora chilena (n. 1875);
• Rebecca Hall, actriz británica de cinema e televisión (n. 1982);

Variantes noutras linguas

• alemán: Rebekka, Rebekah, Rebecka, Rebecca, Rebeccah, Rebeca, Becka, Becke, Beke
• árabe: هفيفار (Rafiq)
• búlgaro: Ребека (Rebeka)
• castelán: Rebeca, Rebe, Beca
• dinamarqués: Rebekka
• francés: Rebecca, Rebèque
• galego: Rebeca, Beca
• grego: Ρεβέκκα (Revekka)
• hebraico: רִבְקָה ,רבקה אמנו (Rivqa, Riḇqāh)
  • hebraico estándar: Rivqa
  • hebraico tiberiano: Riḇqāh
• húngaro: Rebeka, Baka
• inglés: Rebecca, Rebekah, Rebeccah, Becky, Bekah, Reba
• neerlandés: Rebecca, Rebekka
• polonés: Rebeka
• romanés: Rebeca
• ruso: Ревекка (Revekka)
• sueco: Rebecka

Véxase tamén

Outros artigos

• Antroponimia
• Apelido
• Santoral