Raimundo Rodríguez Neira
Raimundo Rodríguez Neira, nado na Coruña e finado en Marín o 14 de agosto de 1936, foi un xastre, músico e político galego.
| Biografía | |
|---|---|
| Nacemento | A Coruña, España  |
| Morte | 14 de agosto de 1936 San Tomé de Piñeiro, España |
| Actividade | |
| Ocupación | xastre , músico , político |
Traxectoria editar
Músico que tocaba o bombardino na banda de música municipal de Pontevedra. Tras o golpe de Estado do 18 de xullo de 1936, o 13 de agosto dese ano Bruno Schweiger e mais un falanxista pontevedrés preséntáronse na rúa Don Filiberto buscándoo; como non se atopaba nesa casa, dirixíronse ao bar Capacho, onde residía. Raimundo negouse a subir ao coche e fuxiu, disparáronlle, pediu protección inutilmente a unha parella de gardas de asalto que facían garda en Correos. Tras ser detido e levado en coche, foi paseado na Cruz de Maceira (en San Tomé de Piñeiro, na estrada entre Marín e Moaña, case no límite administrativo entre os dous concellos), sitio habitual de actuación das patrullas represoras. O seu cadáver apareceu ao día seguinte en Marín cun tiro na caluga.
Vida persoal editar
Casou en Pontevedra con Aniceta Cabado en xaneiro de 1912.[1]
Notas editar
- ↑ El Progreso, 11-1-1912, p. 3.
Véxase tamén editar
Bibliografía editar
- Álvarez Castro, Xosé (2013). "Cunetas sembradas de muerte. La represión extrajudicial en la provincia de Pontevedra" (PDF). Memòria antifranquista del Baix Llobregat (13): 15–20. Consultado o 12 de abril de 2020.
Ligazóns externas editar
- Álvarez Castro, X. (10 de xaneiro de 2014). "A morte do home que tocaba o bombardino". Pontevedra nos anos do medo.
- Álvarez Castro, X. (4 de outubro de 2009). "Bruno, "o alemán"". Pontevedra nos anos do medo.
- Raimundo Rodríguez Neira na páxina web Nomes e Voces.