Raidió Teilifís Éireann

Raidió Teilifís Éireann (nome oficial en irlandés, en galego Radio Televisión de Irlanda), máis coñecida polas súas siglas RTÉ. É a empresa de radiotelevisón pública da República de Irlanda. Produce programas e retransmisións de televisión, radio e Internet. O servizo de radio comezou o 1 de xaneiro de 1926 baixo o nome de Radio Éireann, mentres que as emisións de televisión comezaron o 31 de decembro de 1961.

Raidió Teilifís Éireann
Tipo	radiodifusora pública, negocio e empresa
Data de fundación	1 de xuño de 1960
Nº de empregados	1.856 (2013)
Sede	Donnybrook
País	Irlanda
Na rede
https://www.rte.ie/
[ editar datos en Wikidata ]

Entrada os estudos de RTÉ en Donnybrook

Radio Éireann, foi un dos 23 membros fundadores da Unión Europea de Radiodifusión no ano 1950.

RTÉ é unha corporación estatutaria controlada por unha autoridade designada polo goberno de Irlanda. A dirección xeral está en mans do Comité Executivo, encabezado polo director xeral. Participa no consorcio de Euronews.

Orixes

As emisións en Irlanda comezaron no 1926 a través de 2RN en Dublín. Desde ese ano ata xuño de 1960, o servizo 2RN, máis tarde chamado Radio Éireann operou como unha sección do Departamento de Correos e Telégrafos, e os traballadores eran recoñecidos coma funcionarios polo goberno do país.

No ano 1960 RTÉ, baixo o nome Radio Éireann, quedou establecida pola Broadcasting Authority Act (Lei da Autoridade de Retransmisións) de 1960. A empresa foi transferida á nova autoridade que tamén se encargaba do novo servizo de televisión (Télifis Éireann), que operou desde o 31 de decembro de 1961. O nome foi cambiado a Radio Telefís Éireann pola Broadcasting Authority Act de 1966, e ambos servizos (radio e televisión) pasaron a ser coñecidos como RTÉ ese ano.

No ano 2009 a empresa volveu a cambiar o nome de Radio Telefís Éireann a Raidió Teilifís Éireann para reflictir a pronunciación no idioma gaélico do nome. Porén, na entrada da sede central en Dublín continúa o antigo nome gravado en pedra.

Servizos

Radio

• RTÉ Radio 1 (intereses xerais)
• RTÉ 2fm (antiga RTÉ Radio 2, dedicada ó rock e a música pop)
• RTÉ lyric fm (música clásica, jazz, música do mundo)
• RTÉ Raidió na Gaeltachta, en lingua gaélica
• RTÉ 2XM (música para a mocidade)
• RTÉ Choice (humor, documentais, variedade internacional)
• RTÉ Digital Radio News (information)
• RTÉ Digital Radio Sport (deportes)
• RTÉ Gold (grandes éxitos da música clásica)
• RTÉ Junior (programas para nenos)
• RTÉ Europe (de cobertura europea)

Televisión

• RTÉ One (entrou en servizo no 1961 co nome de Telefís Éireann. Primeira cadea da televisión irlandesa)
• RTÉ Two (segunda cadea da televisión irlandesa)
• TG4 (canle en lingua irlandesa)

Véxase tamén

Ligazóns externas

• Historia da televisión en Irlanda Arquivado 08 de febreiro de 2002 en Wayback Machine.
• Páxina Oficial