Raditz
Raditz (ラディッツ Radittsu?) é un personaxe de ficción do manga e anime Dragon Ball Z. É un guerreiro do espazo. É o irmán máis vello de Son Goku e o primeiro fillo de Barduck e Gine. O seu nome provén dunha deformación do inglés Radish (ラディッシュ Radisshu?, Ravo).
Características editar
Como todos os guerreiro do espazo, ten un físico notable, cabelo negro longo e rabo, como tódolos da súa raza. Tamén é quen de transformarse en Ōzaru coa lúa chea e emprega un dispositivo (Scouter) para detectar o potencial enerxético dos seus inimigos.
Descoñécese a idade exacta de Raditz, pero debeu ter vivido o tempo suficiente como para coñecer os costumes dos guerreiros do espazo en profundidade. Debeu coñecer a seu pai, Barduck, e probablemente tamén ó seu irmán Kakarot (Son Goku) ó pouco de nacer. Normalmente, acéptase que a súa idade é máis avanzada que a de Vexeta e que non foi eliminado por Freezer ben por un simple descoido, ben por non ter un poder o suficientemente grande como para ser considerado como unha ameaza a longo prazo.