Os rañaceos[1] (en singular e plural) son edificios dotados dunha altura singular fronte aos demais e dunha forma xeral presentando formatos de torre. Estes edificios normalmente posúen carácter multifuncional, sendo capaces de abrigar establecementos residenciais, comerciais, de servizos, entre outros. A súa presenza no espazo urbano, cando destacada por enriba da altura media dos demais edificios, constitúese en xeral como unha referencia ou marco para a cidade, aínda que tamén poida xerar problemas varios ligados á mobilidade urbana, consumo de enerxía e seguridade.

Rañaceos do parque empresarial CTBA en Madrid.

Historia editar

 
O Home Insurance Building, deseñado por William Le Baron Jenney, está considerado como o primeiro rañaceos do mundo.

Ao longo da historia da arquitectura, con excepción de monumentos como obeliscos e columnas, encóntranse poucos edificios dotados de grande altitude. Normalmente, os poucos exemplares eran as torres, as cales posuían algún tipo de significado relixioso (como as torres de templos católicos) ou militar. Até o período da Revolución Industrial, os edificios de uso cotián raramente posuían múltiples andares.

Até mediados do século XIX, a altura máxima encontrada nas grandes cidades era duns cinco andares, pola dificultade de subir reiteradamente até andares altos. Por outro lado, a construción de edificios altos demandaba sistemas construtivos e tecnolóxicos avanzados. Como a maior parte das edificacións eran construídas en cachotería, canto maior a altitude, maiores as espesuras necesarias para as súas paredes portantes, sexa para soportar os andares superiores ou para resistir aos esforzos do vento. De aí que, avances construtivos que tornaban as paredes independentes dos elementos estruturais do edificio, como o formigón armado e a estrutura en ferro (e máis tarde en aceiro) xa posibilitaban a construción de edificios altos, aínda así, era maior e estes sistemas dunha forma xeral eran caros.

En 1852, a invención do ascensor por Elijah Otis eliminou o primeiro impedimento. O segundo problema foi resolto a partir da popularización dos sistemas construtivos avanzados: a prefabricación de elementos construtivos en aceiro nos países industrializados pasou a ser relativamente común. Así, en 1885 foi construído en Chicago o que está considerado como o primeiro rañaceos, o Home Insurance Building, deseñado por William Le Baron Jenney.

Na década de 1920, unha conxunción de factores — novas técnicas de construción, materiais máis resistentes e a invención dos elevadores — deu lugar aos rañaceos. A novidade cambiou as formas de consumo, de facer comercio e, principalmente, da morada dos habitantes das metrópoles. Cabe notar tamén que a produción arquitectónica ligada á Escola de Chicago, influenciada e esixida polas necesidades do capitalismo naquela cidade, e a arquitectos como Louis Sullivan posuíu tamén un papel de difundir as novas tipoloxías urbanas entre outras cidades no mundo. O rañaceos pasaría a caracterizarse como símbolo do progreso industrial nas grandes cidades do mundo desenvolvido: a cidade de Nova York viviu nas dúas décadas seguintes unha carreira entre emprendedores en busca da construción do edificio máis alto. Como froito deste fenómeno, xurdiron edificios que hoxe son considerados símbolos daquela cidade, como o Empire State Building, o Chrysler Building e máis tarde o Rockfeller Center.

Os vinte rañaceos máis altos do mundo editar

Os edificios en letra grosa foron os máis altos do mundo no momento da súa construción.

Posto Imaxe Edificio Cidade País Altura Andares Ano de construción
1   Burj Khalifa Dubai   Emiratos Árabes Unidos 828 m 163 2010
2   Shanghai Tower Shanghai   China 632 m 128 2015
3   Abraj Al-Bait Clock Tower A Meca   Arabia Saudita 601 m 120 2012
4   Ping An Finance Centre Shenzhen   China 599 m 115 2017
5   Goldin Finance 117 Tianjin   China 596.6 m 128 2019
6 Lotte World Tower Seúl   Corea do Sur 554.5 m 123 2016
7   One World Trade Center Nova York   Estados Unidos 541.3 m 104 2014
8   Guangzhou CTF Finance Centre Cantón   China 530 m 111 2016
  Tianjin CTF Finance Centre Tianjin   China 530 m 98 2017
10   China Zun Pequín   China 528 m 108 2018
11   Taipei 101 Taipei   Taiwán 508 m 101 2004
12   Shanghai World Financial Center Shanghai   China 492 m 101 2008
13   International Commerce Centre Hong Kong   China 484 m 118 2010
14 Wuhan Greenland Center Wuhan   China 475.6 97 2019
15   Central Park Tower Nova York   Estados Unidos 472 131 2019
16   Lakhta Center San Petesburgo   Rusia 462 m 86 2018
17   Landmark 81 Cidade Ho Chi Minh   Vietnam 461.2 m 81 2018
18   Changsha IFS Tower T1 Changsha   China 452.1 m 88 2017
19   Petronas Tower 1 Kuala Lumpur   Malaisia 451.9 m 88 1998
Petronas Tower 2
20   Zifeng Tower Nanjing   China 450 m 89 2010
  Suzhou IFS Suzhou   China 450 m 92 2017

Rañaceos por localización editar

Notas editar

  1. Definicións no Dicionario da Real Academia Galega e no Portal das Palabras para rañaceos.