Río Lech

O río Lech é un afluente pola dereita do río Danubio en Austria e Alemaña.

O río Lech preto de Augsburgo

Cunha lonxitud de 285 km, a súa cunca abarca os 3 919 km ².

Orixínase no estado austríaco de Vorarlberg, atravesa o Tirol e desemboca no Danubio en Baviera (atravesando as rexións de Suabia e Alta Baviera).

É o afluente alemán máis importante do Danubio, despois do río Eno.

No Lech hai 30 centrais hidroeléctricas e 24 encoros.

As maiores cidades nas beiras do río Lech son Landsberg am Lech e Augsburgo.

Etimoloxía

Inscricións dos séculos VII e VIII a.C. demostran que o nome do río se menciona por primeira vez no nome da tribo celta Licates. O propio río chámase Likios ou Likias no século II. Ao redor do ano 570 o nome Licca aparece rexistrado. No século VIII apareceron nomes como Lecha e Lech. O termo Licus aínda se usaba en 1059.

A palabra Lech provén do termo latino Licus, e este do celta Lik. Estas dúas palabras significan "que é rico en pedras", o que se pode ver aínda hoxe.

Historia

En máis dunha ocasión prodicíronse acontecementos históricos nas beiras deste río.

• En 278 o emperador romano Probo venceu a unha gran tropa de invasores de burgundios e vándalos, que asaltaran a provincia romana de Recia.
• En Lechfeld, unha chaira pedregosa entre os ríos Lech e Wertach preto de Augsburgo, o emperador do Sacro Imperio Otón I derrotou aos maxiares en agosto de 955.
• Na batalla do río Lech, en abril de 1632, Gustavo II Adolfo de Suecia derrotou e feriu de morte a Johann Tserclaes, conde de Tilly, mestre de campo que comandou as forzas hispano-imperais durante a guerra dos Trinta Anos.

Galería

• 
  O Lech, preto da cidade deLandsberg am Lech
• 
  O Lech entre Weißenbach am Lech e Forchach
• 
  O Lech entre Elmen e Stanzach
• 
  O Lech entre Apfeldorf e Epfach
• 
  O río Lech por Andrei Gavrilița