Río Adige

O río Adige (alemán Etsch, ladino Adiç, trentino Ades, véneto Àdexe) é un río italiano.

Río Adige
País	Italia
cidades	Trento, Verona, Legnago, Merano, Bolzano e Rovereto.
Nacemento	Passo Resia (Reschenpass), na Alta Val Venosta (Hochvinschgau)
Lonxitude	410 km
Conca	12.200 km²
Desembocadura	mar Adriático

O Adige en Verona

Percurso

Nace preto do Passo Resia (Reschenpass), na Alta Val Venosta (Hochvinschgau), no Alto Adige e desauga no mar Adriático, non lonxe de Chioggia. Por lonxitude - cerca de 410 km - é o segundo río italiano logo do Po e o 3° polo tamaño da conca, detrás do Po e o Tíber.

Atravesa as cidades de Trento, Verona, Legnago e baña Merano, Bolzano e Rovereto.

Os vales polos que corre reciben varios nomes: Val Venosta entre as fontes do nacemento e Merano, Val d'Adige entre Merano e Rovereto, Vallagarina entre Rovereto e Verona, e Val Padana entre Verona e a foz.

Conca

A súa conca hidrográfica abrangue 12.200 km²: dos cales 7.200 corresponden ao Alto Adige, territorio que escoa nuns 140 km (é dicir, 1/3 do seu percurso completo).

Os seus principais afluentes son:

• o Río Ram (Rambach).
• o Río Passirio (Passer).
• o Río Isarco (Eisack).
• o Río Noce.
• o Río Avisio.
• o Río Fersina.
• o Río Leno.