Quincy Acy

baloncestista estadounidense

Quincy Jyrome Acy, nado o 6 de outubro de 1990 en Tyler, Texas, é un xogador estadounidense de baloncesto profesional que xoga no Olympiacos BC grego.

Quincy Acy
Olympiacos  – No. 1
Información persoal
Nacemento 6 de outubro de 1990 (33 anos)
Tyler, Texas
Nacionalidade Estados Unidos de América Estados Unidos
Altura 2,01 m (6 ft 7 in)
Peso oficial 109 kg (240 lb)
Posición Ala / Ala-pivote
Información da carreira
Instituto John Horn
(Mesquite, Texas)
Universidade Baylor (2008–2012)
NBA Draft 2012 / Rolda: 2 / Elección: 37
Por Toronto Raptors
Carreira dende 2012
Historial de equipos
Toronto Raptors (2012–2013)
Bakersfield Jam (2012–2013)
Sacramento Kings (2013–2014)
New York Knicks (2014–2015)
Sacramento Kings (2015–2016)
Dallas Mavericks (2016)
Texas Legends (2016–2017)
Brooklyn Nets (2017–2018)
Phoenix Suns (2019)
Texas Legends (2019)
Shenzhen Leopards (2019)
Maccabi Tel Aviv (2019–2020)
Olympiacos (2021–presente)

Instituto editar

No seu ano sénior no instituto, Acy fixo 17.8 puntos e 7.8 rebotes por partido. Foi clasificado coma o 80º mellor xogador do país e o 22º mellor ala-pivote.[1]

Traxectoria universitaria editar

Freshman editar

Acy xogou para os Baylor Bears na Universidade. Coma freshman, acadou 5.4 puntos e 3.6 rebotes por partido. Foi elixido Rookie da Semana da conferencia Big 12 o 24 de novembro.[1]

Sophomore editar

Na súa tempada sophomore, Acy fixo 9.3 puntos e 5.1 rebotes por partido, sendo o sexto home de Baylor. Foi ademais incluído no mellor quinteto de reservas da Big 12.[1]

Júnior editar

Coma júnior, aumentou os seus números até 12.4 puntos e 7.6 rebotes por partido. Na primeira rolda do torneo da Big 12, Acy anotou 21 puntos e capturou 15 rebotes, a marca máis alta da súa carreira, na derrota contra Oklahoma. Ó remate da tempada, foi nomeado Sexto Home do Ano da Big 12.[1]

Sénior editar

Na súa derradeira tempada en Baylor, acadou 12.0 puntos e 7.4 rebotes por encontro. Ó remate da tempada, foi elixido no segundo mellor equipo da Big 12 polos adestradores da conferencia, e foi tamén incluído no mellor quinteto defensivo.[1]

Traxectoria profesional editar

O 28 de xuño de 2012, Acy foi elixido na 37ª posición do Draft da NBA de 2012 polos Toronto Raptors.

O 9 de decembro de 2013, os Raptors traspasaron a Acy, Rudy Gay e Aaron Gray ós Sacramento Kings a cambio de Greivis Vasquez, Patrick Patterson, John Salmons e Chuck Hayes.[2]

O 6 de agosto de 2014, Acy foi traspasado ós New York Knicks xunto a Travis Outlaw a cambio de Wayne Ellington e Jeremy Tyler.[3]

Notas editar

  1. 1,0 1,1 1,2 1,3 1,4 "Quincy Acy Profile". baylorbears.com. Arquivado dende o orixinal o 15 de setembro de 2019. Consultado o 2 de xullo de 2012. 
  2. "Kings Acquire Rudy Gay, Quincy Acy and Aaron Gray from Toronto". NBA.com. 9 de decembro de 2013. Consultado o 9 de decembro de 2013. 
  3. "Knicks Acquire Quincy Acy, Travis Outlaw". NBA.com. 6 de agosto de 2014. Consultado o 6 de agosto de 2014. 

Véxase tamén editar

Ligazóns externas editar