Pseudomonadales
| Pseudomonadales | |||||||||
|---|---|---|---|---|---|---|---|---|---|
 Pseudomonas aeruginosa | |||||||||
| Clasificación científica | |||||||||
| |||||||||
| Familias | |||||||||
|
Moraxellaceae | |||||||||
Pseudomonadales é unha orde de proteobacterias. Comprende especies quimiorganótrofas e xeralmente móbiles por flaxelos. Como todas as proteobacterias son bacterias gramnegativas. Os xéneros Azomonas e Azotobacter son bacterias fixadoras do nitróxeno de vida libre que pertencen a este grupo. Especies do xénero Pseudomonas son patóxenas de plantas, seres humanos e animais. Moraxella e Acinetobacter poden ser tamén patóxenas.
Sistemática editar
Na subdivisión en familias das Pseudomonadales non hai un total acordo. A orde subdivídese nas familias Pseudomonadaceae e Moraxellaceae.[1] Nalgunhas clasificacións colócase nesta orde unha terceira familia, as Azotobacteraceae, pero é controvertido, xa que outros asocian os xéneros Azotobacter e Azomonas coas Pseudomonadaceae, nas que formarían, xunto con Azorhizophilus, o grupo Azotobacter. De feito, análises recentes do xenoma non anotado de Azotobacter vinelandii indican que é máis apropiado agrupar esta bacteria coas da familia Pseudomonadaceae.[2] Tamén se propuxo a familia Branhamaceae, na que se acomodarían os xéneros Moraxella e Branhamella (pero hai sinonimias entre eses dous xéneros, polo que non parece apropiado).[3]
A seguinte é unha lista de familias e xéneros:[4]:
- Moraxellaceae Rossau et al. 1991:
- Acinetobacter Brisou e Prévot 1954
- Alkanindiges Bogan et al. 2003
- Enhydrobacter Staley et al. 1987
- Moraxella Lwoff 1939
- Moraxella catarrhalis (Frosch e Kolle1896) Henriksen e Bøvre 1968
Syn. Branhamella catarrhalis (Frosch e Kolle 1896) Catlin 1970[5]
- Moraxella catarrhalis (Frosch e Kolle1896) Henriksen e Bøvre 1968
- Perlucidibaca Song et al. 2008
- Psychrobacter Juni e Heym 1986
- Pseudomonadaceae Winslow et al. 1917
- Azomonas Winogradsky 1938
- Azorhizophilus Thompson & Skerman 1981
- Azotobacter Beijerinck 1901
- Cellvibrio (Winogradsky 1929) Blackall et al. 1986
- Mesophilobacter Nishimura et al. 1989
- Pseudomonas Migula 1894
- Rhizobacter Goto & Kuwata 1988
- Rugamonas Austin & Moss 1987
- Serpens Goto & Kuwata 1988
Notas e bibliografía editar
- ↑ Clasificación do NCBI
- ↑ Rediers H, Vanderleyden J, De Mot R. 2004. Azotobacter vinelandii: a Pseudomonas in disguise? Microbiology. 150Pt 5):1117-9. PMID 15133068.
- ↑ "LPSN Branhamella". Arquivado dende o orixinal o 04 de novembro de 2013. Consultado o 10 de agosto de 2013.
- ↑ J.P. Euzéby: List of Prokaryotic Names with Standing in Nomenclature - Orde Pseudomonadales Arquivado 11 de outubro de 2008 en Wayback Machine.
- ↑ LPSN - Branhamella catharralis.[1] Arquivado 04 de novembro de 2013 en Wayback Machine. Cita:"Nota: Branhamella catarrhalis (Frosch and Kolle 1896) Catlin 1970 (Approved Lists 1980) e Moraxella catarrhalis (Frosch and Kolle 1896) Henriksen and Bøvre 1968 (Approved Lists 1980) teñen a mesma cepa tipo e, por tanto, son sinónimos homotípicos [Regras 24a e 24b (1)]."
- George M. Garrity: Bergey's Manual of Systematic Bacteriology. 2. Auflage. Springer, Nova York, 2005, Volume 2: The Proteobacteria, Parte B: The Gammaproteobacteria