Poza intermareal
As pozas mariñas ou intermareais son pozas de auga salgada que se forman cando a auga do mar permanece entre as rochas costeiras ao baixar a marea.
Características editar
As pozas intermareais achegan refuxio a organismos resistentes como as estrelas de mar, mexillóns e ameixas. Aqueles organismos que moran nas pozas deben facer fronte á batida das ondas e correntes mariñas, á exposición solar, aos predadores e a un contorno que muda constantemente con flutuacións da temperatura, salinidade, e osíxeno
As ondas do mar poden arrincar os mexillóns das rochas arrastrándoos ao mar aberto. As gaivotas apañan os ourizos de mar e guíndanos dende o aire para abrilos. As estrelas de mar predan sobre os mexillóns e ourizos de mar e son igualmente predadas polas aves mariñas.
Véxase tamén editar
| Wikimedia Commons ten máis contidos multimedia na categoría: Poza intermareal |