Plaça de l'Ajuntament de Valencia

A Plaça de l'Ajuntament (en galego Praza da Casa do Concello) é o nome que recibe a praza máis grande e céntrica da cidade de Valencia. Durante o franquismo, recibía o nome de Plaza del Caudillo e despois da Transición, Plaça del País Valencià até 1987. Entre 1936 e 1939, nomeábase Plaça Emili Castelar. Hai unha proposta por parte do Consello Valenciano de Cultura para que reciba o nome de Xaime I, o fundador do Reino de Valencia.

Vista xeral da praza co Ajuntament á esquerda.

Placa.

Cantón norte e fonte da Plaça de l'Ajuntament.

O Ajuntament e a fonte.

Descrición

Ten unha forma triangular, coa Plaça del Mercat ao norte e a praza da Estació del Nord ao sur. Na beira oeste atopamos o Ajuntament de València, e ao leste o edificio de Correos. Ao norte da praza hai unha grande fonte, e ao sur, un grande espazo aberto rodeado de escaparates de flores. A súa fisionomía actual ven da reforma realizada polo arquitecto Javier Goerlich entre 1931 e 1935, aínda que xa desapareceu o mercado neobarroco de flores soterrado que recibira o nome popular de La Escupidera.

Edificios destacábeis

• Ajuntament de València
• Casa Barrachina de Goerlich.
• Edificio "Assicurazioni Generali"
• Edificio de Correus de Miguel Angel Navarro de 1922.
• Casa Ernest Ferrer Construído no 1913 por Almenar Quinzá.
• Edifici Noguera de Francesc Mora i Berenguer, 1909.
• Edificio Suay ou Edificio de l'Equitativa de Francesc Mora i Berenguer, 1909.
• Edificio Gil de Rieta Síster en 1931
• Edificio Cervera Tamén de Rieta Síster, 1932.
• Edificio Sanchez Garcia Albert Ballesteros, 1930.
• Edificio Martí Alegre de Goerlich, 1935.
• Edificio Rialto (actual Filmoteca e Teatros da Generalitat Valenciana), obra de Borso di Carminati 1939.
• Edificio de l'Ateneu Mercantil de València 1953.
• Edificio Balanzà de Almenar Quinzá segundo o proxecto de Goerlich, 1928.
• Edificio de Telefónica de Cárdenas Pastor 1928.
• Edificio La Equitativa 1927.
• Edificio Societé Generale de la Banque de Carbonell Pañella, 1927.
• Edificio Vitalicio de Goerlich, 1930.

Opinións

Segundo Joan Fuster é una de les places més horribles que coneix l'experiència urbanística de la humanitat (unha das prazas máis horríbeis que coñece a experiencia urbanística da humanidade). Joan Francesc Mira cre que Fuster esaxera.

Fallas

Durante as Fallas a a parte central praza está pechada por grandes estruturas enreixadas, xa que cada día ás dúas da tarde fanse espectáculos de pirotecnia chamados mascletades. Fora do espazo da mascletà, plantase o falla do Ajuntament, habitualmente dos máis grandes e custosos e así como a súa correspondente falla infantil.

Véxase tamén

Outros artigos

• Plaça de la Mare de Déu
• Plaça del Mercat

Bibliografía

• Artigo "Javier Goerlich Lleó" da Enciclopedia de la Comunidad Valenciana. Editorial Prensa Valenciana. Valencia, 2005. ISBN 84-87502-56-3 (en castelán)
• JOAN F. MIRA (1992): València. Guia Particular. Barcanova. ISBN 84-7533-808-9 (Páxina 117). (en catalán)

Ligazóns externas

• Historia da Praza do Ajuntament