Phil Cohran
Kelan Phil Cohran, nado en Oxford (Mississippi) o 8 de maio de 1927 e finado o 28 de xuño de 2017, foi un músico estadounidense de jazz. É coñecido pola súa contribución á trompeta na Sun Ra Arkestra en Chicago dende 1959 ao 1961 e pola súa participación na fundación da Association for the Advancement of Creative Musicians (AACM).
| Biografía | |
|---|---|
| Nacemento | 8 de maio de 1927  Oxford, Estados Unidos de América (pt)  |
| Morte | 28 de xuño de 2017 (90 anos) Chicago, Estados Unidos de América |
| Datos persoais | |
| País de nacionalidade | Estados Unidos de América |
| Actividade | |
| Ocupación | trompista (pt) , saxofonista , músico de jazz , trompetista |
| Xénero artístico | Jazz |
| Instrumento | Trompeta |
| Páxina web | philcohran.com |
      | |
Traxectoria editar
Cohran creceu en St. Louis, Missouri e tocou a trompeta en bandas dirixidas por Jay McShann nos temperáns anos cincuenta, e despois na banda da Mariña dos EEUU. [1]
A súa obra na Sun Ra Arkestra está documentada en gravacións coma Fate In A Pleasant Mood e Angels and Demons at Play. Tamén aparece na importante nova documentación descuberta das actuacións da Chicago Arkestra en Music for Tomorrow's World. Mentres a maior parte das contribucións de Cohran foron na trompeta, tamén mostra o seu interese en instrumentos de corda como a cítola .
Cando a Arkestra foise de Chicago en 1961, Cohran declinou acompañalos. En 1965 tomou parte na formación do AACM. Cohran formou o Artistic Heritage Ensemble con Pete Cosey, futuros membros da sección de vento de Earth, Wind and Fire e "Master" Henry Gibson (o percusionista de casa Motown) entre outros. Por aquel tempo, el tocaba o arpa así como a corneta, así como outros instrumentos de vento, como a trompa, saxofón barítono e a percusión.
Cedo na súa carreira inventou un instrumento que el chama Frankiphone, alias o Arpa Espacial oído nalgúns dos primeiros álbums de Sun Ra. O instrumento é realmente un mbira ou kalimba eléctrico. Este instrumento inspirou a Maurice White a empregar un Kalimba eléctrico en actuacións con Earth, Wind and Fire. Cohran afirma que el ensinou a Maurice e os seus irmáns música na súa mocidade. On the beach é unha gravación dispoñible que documenta a súa música ao redor de 1967-68.
Os fillos de Cohran fan oito dos nove membros de Hypnotic Brass Ensemble, un conxunto da rúa que consiste en sección de vento e batería. Cohran é tamén un astrónomo de renome e actualmente ensina voz e música á mocidade do centro da cidade e adultos na Center for Inner City Studies da Northeastern Illinois University.
Discografía como líder editar
- On the Beach (1968)
- The Malcolm X Memorial (1968)
Véxase tamén editar
Ligazóns externas editar
- Páxina Oficial
- Extracto da actuación na Schindler House en SASSAS @ YouTube