Pedro Botelho
Este artigo (ou sección) está desactualizado(a). A información fornecida mudou ou é insuficiente. |
Pedro Roberto Silva Botelho, nado en Salvador o 14 de decembro de 1989, é un futbolista brasileiro. Xoga de defensa e o seu actual equipo é o Levante UD.
| Pedro Botelho | |||
|---|---|---|---|
 | |||
| Información persoal | |||
| Nome | Pedro Roberto Silva Botelho | ||
| Nacemento | 14 de decembro de 1989 (34 anos) | ||
| Lugar de nacemento | Salvador | ||
| Altura | 1,88 m. | ||
| Posición | Defensa | ||
| Información de club | |||
| Club actual | Levante | ||
| Número | 11 | ||
| Carreira xuvenil | |||
| 2002–2004 | Galícia | ||
| 2005–2007 | Figueirense FC | ||
| Carreira sénior | |||
| Anos | Equipos | Aprs | (Gls) |
| 2007– | Arsenal FC | 0 | (0) |
| 2007–2009 | → UD Salamanca (cedido) | 36 | (0) |
| 2009–2010 | → Celta de Vigo (cedido) | 27 | (1) |
| 2010–2011 | → FC Cartagena (cedido) | 39 | (4) |
| 2011–2012 | → Rayo Vallecano (cedido) | 11 | (1) |
| 2012 | → Levante UD (cedido) | 14 | (0) |
| 2012- | CA Paranaense | 41 | (2) |
| 2014- | → CA Mineiro (cedido) | 11 | (1) |
|
Partidos e goles só en liga doméstica. Club: actualizado a 13 de maio de 2012. [ editar datos en Wikidata ] | |||
Traxectoria editar
Inicios editar
Despois de tres anos nas categorías inferiores do Galícia de Salvador marchou en 2005 a Santa Catarina para xogar nas bases do Figueirense. Antes xa de subir ao primeiro equipo chamou a atención dos técnicos do Arsenal que estaban buscando novos talentos no club de Florianópolis.
Arsenal editar
En xullo de 2007, un acordo entre o Arsenal e o Figueirense levou a Pedro Botelho ao Emirates Stadium. Foi inmediatamente cedido polo Arsenal á UD Salamanca da Segunda División polo resto da tempada debido ao feito de que necesitaba un permiso de traballo para xogar en Inglaterra.
UD Salamanca editar
Chega a España tras o acordo asinado co Arsenal polo cal o equipo londiniense cede ao club español aos seus xogadores extracomunitarios para que obteñan a nacionalidade española e deixen de ocupar praza extracomuntaria cando regresen ao club do Emirates Stadium. Froito deste convenio foi a chegada de Carlos Vela. Na primeira tempada no club charro non debuta ata xaneiro co 20 ás costas tras un problema burocrático, isto faille entrar máis tarde nos esquemas de Juan Ignacio Martínez. Na segunda tempada, aínda que non empeza como titular, gáñase a titularidade. Nesta tempada unha escapada a Madrid para ver o Real Madrid-Juventus da Liga de Campións da UEFA fai que lle sancionen con 3000€. Tamén foi apartado do equipo tras saltarse o código interno do vestiario, pero tras as súas desculpas, ao día seguinte volve adestrarse. O seu adestrador, David Amaral, di que estes erros son froito da súa mocidade. En xuño de 2009, o técnico David Amaral apártao definitivamente do equipo, tras negarse a adestrar, polo que a Unión Deportiva Salamanca e o Arsenal de mutuo acordo rescinden a cesión.
Celta de Vigo editar
Tras os seus problemas co Salamanca Botelho foi cedido polo Arsenal ao Celta no mercado de verán. Actualmente Pedro Botelho é un dos alicerces máis importantes da defensa do Celta e titular indiscutible do seu técnico Eusebio Sacristán.