Pauliña

Paula Chaves, coñecida polo seu nome artístico Pauliña, é unha cantante, compositora e actriz galega de Cambados, Pontevedra.

Pauliña

Biografía
Datos persoais
País de nacionalidade	Galicia
Actividade
Ocupación	cantante , actriz , compositora , presentadora
Lingua	Lingua galega

Traxectoria

Empezou a cantar e compoñer xa de nova en Cambados e arredores, despois marchou unha tempada a Inglaterra en Eastbourne onde tamén continuou a súa carreira musical. Volveu tempo despois a Galiza onde se afincou en Santiago de Compostela, na capital conseguiu subirse aos escenarios xunto a Vituco Neira (Ruxe Ruxe), Fosi (DeLombaos) ou Zënzar. Cando xa comezaba a ter éxito nas redes sociais a banda NAO propúxolle colaborar no seu disco Cartas no caderno que a levou a tocar con eles en grandes festivais. Despois de marchar a Ourense por motivos laborais, en 2018 lanzou o seu primeiro disco De-Xeneración coa discográfica Xonix Records e a finais dese mesmo ano lanzou o EP Decideu non ser de ninguén, no que colaborou con Valtònyc.

Tras o éxito dos primeiros proxectos, no 2020 lanzou o seu segundo disco A Malfalada, mesturando o country coa música folk, rock e o blues, en colaboración cunha banda de músicos veteranos formada por: Iago Jorge (batería), Lolo Arincón (baixo), Paco Montoto (teclado) e Julián Gullón (guitarra).

No 2022 actuou na película de Ángel de la Cruz O home e o can, na que tamén é a autora da canción orixinal.

Discografía

Álbums

• Testemuñas (2021) con O Leo de Matamá en Rexurdimento, con High Paw en Noite en Compostela, con Nee Barros en O mesmo Mal, con Kumpania Algazarra en Revolta Eterna e con Fosi en Pasa de Min.
• A Malfalada (2020)
• De-xeneración (2018)

Sinxelos

• Xa sei (2023), con Eris Mackenzie.
• El País del Miedo (2022), con Los Chikos del Maíz.
• Tan Tan (2022)
• Decideu non ser Ninguén (2018), con Valtònyc en Eu vin o mar Chorar.

Actriz

• O home e o can (2022), de Ángel de la Cruz.

Véxase tamén

Ligazóns externas

• Entrevista en Amovida, 2020