Patriot Hills

Patriot Hills é un campamento base de exploración situado na Antártida.

Localización

O campamento atópase a 80º 19' sur e 81º 16' oeste, a 1000 m sobre o nivel do mar e a uns 1.076 km de distancia do Polo Sur. Está situado ao pé do Macizo Vinson (4.897 m), nun sistema montañoso coñecido como montes Ellsworth. Atópase nas proximidades da península de Skytrain, a poucos quilómetros da barreira Ronne, e en territorio reclamado por Chile.

O campamento atópase nunha ampla chaira de xeo o que permite a aterraxe de avións de carga e transporte, procedentes da base chilena d Punta Arenas.

A temperatura oscila entre os -15 °C no verán e os -40º C no inverno. O campamento é só accesible polo aire, e só está aberto nos meses de verán. Durante o inverno as tendas sotérranse.

Historia

Establecido en 1987, é o único campamento base de titulariedade privada na Antártida, e está operado por unha empresa chamada Antarctic Logistics & Expeditions. En decembro de 2002 a Universidade Stanford situou neste punto unha estación meteorolóxica.

Véxase tamén

Ligazóns externas

• Web da empresa operadora, a Antarctic Logistics & Expeditions.