Patrimonio da Humanidade en Alxeria
O Patrimonio da Humanidade da Organización das Nacións Unidas para a Educación, a Ciencia e a Cultura (UNESCO) componse de lugares de importancia para o patrimonio cultural ou natural descritos na Convención do Patrimonio Mundial da UNESCO, estabelecida en 1972.[1] O patrimonio cultural está formado por monumentos (como obras arquitectónicas, esculturas monumentais ou inscricións), grupos de edificios e ruínas (incluíndo sitios arqueolóxicos). As paisaxes naturais (constituídas por formacións físicas e biolóxicas), as formacións xeolóxicas e fisiográficas (incluíndo os hábitats de especies de animais e plantas ameazadas) e os lugares naturais que son importantes dende o punto de vista da ciencia, a conservación ou a beleza natural, defínense como patrimonio natural.[2] Esta é unha lista do Patrimonio da Humanidade en Alxeria, especificamente clasificada pola UNESCO e elaborada de acordo con dez criterios principais, cuxos puntos son xulgados por especialistas na área. Alxeria, país de cultura árabe que ocupa un gran territorio no Norte de África, ratificou a convención o 24 de xuño de 1974, convertendo os seus lugares en elixíbeis para a súa inclusión na lista.[3]
O sitio Al Qal'a dos Beni Hammad, que conta coas ruínas dunha cidade histórica local, foi o primeiro lugar de Alxeria incluído na lista do Patrimonio Mundial da UNESCO, inscrito na 4ª Sesión do Comité do Patrimonio Mundial, realizada en París (Francia) en 1980. Dende entón, Alxeria conta con sete sitios inscritos como Patrimonio da Humanidade, sendo 6 deles de clasificación cultural e 1 de clasificación mixta (o sitio Tassili n'Ajjer).
Lista de lugares Patrimonio da Humanidade editar
- Nome: segundo aparece no Comité do Patrimonio da Humanidade
- Rexión: de Alxeria
- Ano da inclusión: na lista da UNESCO
- Datos da UNESCO: o número de referencia do sitio; o ano en que o xacemento foi inscrito na Lista do Patrimonio Mundial; os criterios nos que apareceu: os criterios de (i) a (vi) son culturais, mentres que de (vii) a (x) son naturais.[4]
| Nº | Nome | Imaxe | Localización | Ano da inclusión | Datos da UNESCO |
|---|---|---|---|---|---|
| 01 | Al-Qal'a de Beni Hammad | 
|
M'Sila | 1980 | 102; iii (cultural) |
| 02 | Tassili n'Ajjer | 
|
Illizi | 1982 | 179; i, iii, vii, viii (mixto) |
| 03 | Djémila | 
|
Sétif | 1982 | 191; iii, iv (cultural) |
| 04 | Val de M'Zab | 
|
Laghouat | 1982 | 188; ii, iii, v (cultural) |
| 05 | Timgad | 
|
Batna | 1982 | 194; ii, iii, iv (cultural) |
| 06 | Tipasa | 
|
Tipasa | 1982 | 193; iii, iv (cultural) |
| 07 | Casba de Alxer | 
|
Alxer | 1992 | 565; ii, v (cultural) |
Notas editar
- ↑ UNESCO, ed. (21 de novembro de 1972). "Convención para a Protección do Patrimonio Mundial, Cultural e Natural" (PDF).
- ↑ "Convention Concerning the Protection of the World Cultural and Natural Heritage". UNESCO World Heritage Centre. Arquivado dende o orixinal o 1 de febreiro de 2021. Consultado o 3 de febreiro de 2021.
- ↑ UNESCO (ed.). "Alxeria".
- ↑ "UNESCO World Heritage Centre – The Criteria for Selection". UNESCO World Heritage Centre. Arquivado dende o orixinal o 12 de xuño de 2016. Consultado o 17 de agosto de 2018.
Véxase tamén editar
Wikimedia Commons ten máis contidos multimedia na categoría: Patrimonio da Humanidade en Alxeria  |